HomePage_Banner
HomePage_Banner

ಉದ್ಭವ ಕ್ಷೇತ್ರ ಬರೆಮೇಲಿನಲ್ಲಿ ಜಲಕ್ಷಾಮದಲ್ಲೂ ಉಕ್ಕೇರುತ್ತಿರುವ “ಗೌರಿ” ತೀರ್ಥ

ತೀರ್ಥಕ್ಷೇತ್ರವಾಗಿ ಪ್ರಸಿದ್ಧಿ ಪಡೆಯುತ್ತಿರುವ ಐವರ್ನಾಡು ಗ್ರಾಮದ ಉದ್ಭವ ಬರೆಮೇಲು ಶ್ರೀ ಮಹಾಕಾಳಿ ಕ್ಷೇತ್ರದಲ್ಲಿ ಈ ಜಲಕ್ಷಾಮದ ಹೊತ್ತಿನಲ್ಲೂ ಗೌರಿ ತೀರ್ಥ ನಿರಂತರವಾಗಿ ಹರಿದುಬರುತ್ತಿದೆ. ಅತೀ ಪುರಾತನವಾದ ಆದಿಶಕ್ತಿ ಮಹಾಕಾಳಿಯ ದಕ್ಷಿಣದ ಶಕ್ತಿ ಪೀಠವೆಂದೇ ಪರಿಗಣಿಸಲ್ಪಟ್ಟಿರುವ ಶ್ರೀ ಕ್ಷೇತ್ರ ಬರೆಮೇಲಿನ ಪಕ್ಕದ ಗುಡ್ಡದ ತುದಿಯಿಂದ ಹರಿದುಬರುತ್ತಿರುವ ಪರಿಶುದ್ಧ ನೀರ ಧಾರೆಗೆ ಗೌರಿ ತೀರ್ಥವೆಂದು ಹೆಸರಿರಿಸಲಾಗಿದ್ದು, ಈ ನೀರ ಧಾರೆ ಬರೆಮೇಲಿನ ದೇವ ಸಾನಿಧ್ಯದ ಎದುರಿಗೆ ಬಂದು ಬೀಳುವಂತೆ ವ್ಯವಸ್ಥೆ ರೂಪಿಸಲಾಗಿದೆ. ದಿನದ 24 ಗಂಟೆ-ವರ್ಷದ 365 ದಿನವೂ ನಿರಂತರ ಧುಮ್ಮುಕ್ಕುತ್ತಿದ್ದು, ಬೇಸಿಗೆ ಕಾಲದಲ್ಲಿ ನೀರು ಬತ್ತಿ ಬರಿದಾಗುತ್ತಿರುವ ಕಾಲದಲ್ಲೂ “ಗೌರಿ ತೀರ್ಥವು”, ತನ್ನ ಹರಿವಿನ ಸಾಂದ್ರತೆಯನ್ನು ದಿನದಿಂದ ದಿನಕ್ಕೆ ಹೆಚ್ಚಿಸಿಕೊಳ್ಳುತ್ತಾ, ಅಂದಾಜು ಅರ್ಧ ಇಂಚಿನಷ್ಟು, ದಿನ ಒಂದಕ್ಕೆ 9 ಸಾವಿರ ಲೀಟರನಷ್ಟು ಹರಿದು ಬರುತ್ತಿದೆ. ಶ್ರೀ ಕ್ಷೇತ್ರದ ಕಾರಣಿಕ ಶಕ್ತಿಯ ಬಗ್ಗೆ ಭಕ್ತಾದಿಗಳು ಪುಳಕಿತಗೊಂಡು ಶ್ರೀ ಕ್ಷೇತ್ರದ ಕಡೆಗೆ ಅಧಿಕ ಸಂಖ್ಯೆಯಲ್ಲಿ ಭೇಟಿ ನೀಡುತ್ತಿದ್ದು ಬಾಟಲಿಗಳಲ್ಲಿ “ಗೌರಿ ತೀರ್ಥ” ತುಂಬಿಸಿಕೊಳ್ಳುತ್ತಿರುವ ದೃಶ್ಯ ದಿನನಿತ್ಯ ಕಾಣಬಹುದಾಗಿದೆ.

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.