HomePage_Banner
HomePage_Banner
Breaking News

ಸುಳ್ಯದಲ್ಲಿ “ನ್ಯೂ ಬಿ ಪ್ರಿ ಸ್ಕೂಲ್” ಉದ್ಘಾಟನೆ-ಸಂಸ್ಕಾರದ ಶಿಕ್ಷಣದಿಂದ ಬಲಿಷ್ಠ ಸಮಾಜ ನಿರ್ಮಾಣ: ಕೆ.ಎಂ.ಮುಸ್ತಫ

ಧಾರ್ಮಿಕ ತಳಹದಿಯ ಸಂಸ್ಕಾರದಿಂದ ಕೂಡಿದ ಆಧುನಿಕ ಶಿಕ್ಷಣ ಪದ್ಧತಿಯು ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆಗೆ ಪೂರಕ ಎಂದು ದ.ಕ. ಜಿಲ್ಲಾ ವಕ್ಫ್ ಸಮಿತಿ ಸದಸ್ಯ ಕೆ.ಎಂ. ಮುಸ್ತಫ ಹೇಳಿದರು.
ಸುಳ್ಯದ ಪರಿವಾರಕಾನದ “ಗ್ರಾಂಡ್ ಪರಿವಾರ್’ ಕಾಂಪ್ಲೆಕ್ಸ್‌ನಲ್ಲಿ ಆಧುನಿಕ ಪರಿಕಲ್ಪನೆಯ ನ್ಯೂ ಬಿ ಪ್ರಿ ಸ್ಕೂಲ್‌ನ ಉದ್ಘಾಟನಾ ಸಮಾರಂಭದ ಪ್ರಯುಕ್ತ ಏರ್ಪಡಿಸಲಾದ “ಎಜು ಎಕ್ಸ್‌ಪೋ 2019” ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು.
ಶಾಲಾ ಪ್ರಾರಂಭೋತ್ಸವ “ಇಖ್ರಾ ಡೇ”ಯನ್ನು ಅನ್ಸಾರಿಯಾ ಖತೀಬರಾದ ಬಹು| ಉಮ್ಮರ್ ಮುಸ್ಲಿಯಾರ್ ಮರ್ದಾಳ ಚಾಲನೆ ನೀಡಿದರು. ಪ್ರಾರಂಭದಲ್ಲಿ ಅಸ್ಸೈಯದ್ ತಾಹಿರ್ ಸಅದಿ ತಂಙಳ್‌ರವರು ದುಆಃ ನೆರವೇರಿಸಿದರು. ಪ್ರಾಸ್ತಾವಿಕವಾಗಿ ನೌಫಾಲ್ ಬೆಳ್ತಂಗಡಿ ಮಾತನಾಡಿ 3 ವರ್ಷದ ಈ ಕೋರ್ಸಿನಲ್ಲಿ 2 ವರ್ಷ 10 ತಿಂಗಳ ಮಗುವಿಗೆ ಪ್ರವೇಶ ಕಲ್ಪಿಸಿ ಸುಲಲಿತವಾಗಿ ಇಂಗ್ಲೀಷ್ ಅಧ್ಯಯನ ಮತ್ತು ವಿದ್ಯಾರ್ಥಿಗಳನ್ನು ವ್ಯಕ್ತಿತ್ವ ವಿಕಸನದ ಮೂಲಕ ಸವ್ಯಸಾಚಿಯಾಗಿ ಬೆಳೆಸಲಾಗುವುದು. ವಿದ್ಯಾರ್ಥಿಗಳ ಜೊತೆ ಪೋಷಕರಿಗೂ ತರಬೇತಿ ನೀಡಲಾಗುವುದು ಎಂದರು.
ಮುಖ್ಯ ಅತಿಥಿಗಳಾಗಿ ಸುಳ್ಯ ನಗರ ಪಂಚಾಯತ್ ಮಾಜಿ ಅಧ್ಯಕ್ಷ ಎಸ್. ಸಂಶುದ್ದೀನ್, ಪುತ್ತೂರಿನ ಯುವ ನ್ಯಾಯವಾದಿ ಶಾಕಿರ್, ನಗರ ಪಂಚಾಯತ್ ಸದಸ್ಯರುಗಳಾದ ಬಿ. ಉಮ್ಮರ್, ಶರೀಫ್ ಕಂಠಿ, ಸುಳ್ಯದ ಧುರೀಣರುಗಳಾದ ಸಮದ್ ಹಾಜಿ ಖಲೀದಿಯಾ ಮೊಗರ್ಪಣೆ, ಹಾಜಿ ಪಿ.ಎ. ಮಹಮ್ಮದ್, ಹಾಜಿ ಐ. ಇಸ್ಮಾಯಿಲ್, ಹಾಜಿ ಅಬ್ದುಲ್ ಮಜೀದ್ ಜನತ, ಹಸೈನಾರ್ ಹಾಜಿ ಗೋರಡ್ಕ, ಹಮೀದ್ ಬೀಜಕೊಚ್ಚಿ, ಅಬ್ದುರ್ರಹ್ಮಾನ್ ಮೊಗರ್ಪಣೆ ಮೊದಲಾದವರು ಭಾಗವಹಿಸಿದ್ದರು. ಕಾಂಪ್ಲೆಕ್ಸ್ ನ ಪಾಲುದಾರರುಗಳಾದ ಎಂ. ಕೆ. ಅಬ್ದುಲ್ ಲತೀಫ್, ಇಬ್ರಾಹಿಂ ಕತ್ತರ್ ಮಂಡೆಕೋಲು ಉಪಸ್ಥಿತರಿದ್ದರು. ಶಾಲಾ ಪ್ರವರ್ತಕರುಗಳಾದ ರಾಫಿ ಸ್ವಾಗತಿಸಿ ಶಫೀಕ್ ಈಶ್ವರಮಂಗಲ ವಂದಿಸಿದರು.

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.