ಹಿರಿಯ ಸಹಕಾರಿ, ಸಾಮಾಜಿಕ, ರಾಜಕೀಯ, ಧಾರ್ಮಿಕ ಧುರೀಣರಾಗಿದ್ದ ದಿ. ಕೋಟೆ ವಸಂತ ಕುಮಾರರ ಪತ್ನಿ ಶ್ರೀಮತಿ ಪಾರ್ವತಿ ಕೋಟೆ ಇಂದು ಸಂಜೆ ನಿಧನರಾಗಿದ್ದು, ಅವರ ಪಾರ್ಥಿವ ಶರೀರದ ಅಂತ್ಯ ಸಂಸ್ಕಾರ ನಾಳೆ ( ನ.24 ) ರಂದು ಪುಂಡೂರಿನ ಕಲಾ ನಿಲಯದಲ್ಲಿ ನಡೆಯಲಿದೆ.
ಪಾರ್ವತಿಯವರು ಪೆರುವಾಜೆಯಲ್ಲಿರುವ ತಮ್ಮ ಮಗಳು ಶಶಿಕಲಾ ಗಣಪಯ್ಯ ವನಸಿರಿಯವರ ಮನೆಯಲ್ಲಿದ್ದರು. ಅಲ್ಲಿ ಅಸೌಖ್ಯಕ್ಕೊಳಗಾದಾಗ ಅವರು ಗಣಪಯ್ಯರು ತಮ್ಮ ಕಾರಿನಲ್ಲಿ ಸುಳ್ಯ ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದಾಗ ದಾರಿ ಮಧ್ಯೆ ಕೊನೆಯುಸಿರೆಳೆದರೆಂದು ತಿಳಿದುಬಂದಿದೆ.
ಮೃತರು ಪುತ್ರರಾದ ಖ್ಯಾತ ಗಾಯಕ ಶಶಿಧರ ಕೋಟೆ, ಉದ್ಯಮಿ ರಘುರಾಮ ಕೋಟೆ, ಪುತ್ರಿ ಶ್ರೀಮತಿ ಶಶಿಕಲಾ, ಅಳಿಯ ಗಣಪಯ್ಯ ಸೇರಿದಂತೆ ಸೊಸೆಯಂದಿರು, ಮೊಮ್ಮಕ್ಕಳು ಕುಟುಂಬಸ್ಥರು ಹಾಗೂ ಅಪಾರ ಬಂಧುಗಳನ್ನು ಅಗಲಿದ್ದಾರೆ.
