ವೆಂಕಟರಾಮ ಭಟ್ಟರಿಂದ ತುಳು ಕಗ್ಗ ವಾಚನ

Advt_Headding_Middle

ಅಮೇರಿಕಾದಲ್ಲಿ ನೆಲೆಸಿರುವ ‘ಶಿವಳ್ಳಿ ಕುಟುಂಬ’ ವೆಂಬ ಕನ್ನಡಿಗರ ಒಕ್ಕೂಟ ‘ಮಂಕುತಿಮ್ಮನ ಕಗ್ಗ’ದ ಸರಣಿಯನ್ನು ನಡೆಸುತ್ತಿದೆ. ಇದರಲ್ಲಿ ಮೂರು ಭಾಷೆಗಳಲ್ಲಿ ಮಂಕುತಿಮ್ಮನ ಕಗ್ಗ ಪ್ರತಿ ಆದಿತ್ಯವಾರ 5 ಕಂತುಗಳಲ್ಲಿ ಪ್ರಸಾರವಾಗುತ್ತಿದೆ. ಸುಳ್ಯ ಪ್ರತಿಭಾ ವಿದ್ಯಾಲಯದ ಪ್ರಾಚಾರ್ಯ ವೆಂಕಟರಾಮ ಭಟ್ಟರು ಮಂಕುತಿಮ್ಮನ ಎಲ್ಲ 945 ಕಗ್ಗಗಳನ್ನು ತುಳುವಿಗೆ ಭಾಷಾಂತರಿಸಿದ್ದು, ಅದರಲ್ಲಿ ಆಯ್ದ ಕಗ್ಗಗಳನ್ನು ತುಳುವಿನಲ್ಲಿ ವಾಚಿಸಿ, ತುಳುವಿನಲ್ಲೇ ಅರ್ಥ ವಿವರಣೆ ಮಾಡುತ್ತಿದ್ದಾರೆ. ಮೊದಲಿಗೆ ಡಿ.ವಿ. ಗುಂಡಪ್ಪನವರ ಮೂಲ ಕನ್ನಡದ ಕಗ್ಗವನ್ನು ವಿದ್ವಾಂಸರಾದ ಡಾ| ಎಲ್. ಗಣಪತಿಯವರು ವಾಚಿಸಿ, ಕನ್ನಡದಲ್ಲೇ ಅರ್ಥ ವಿವರಣೆ ಮಾಡುತ್ತಾರೆ. ಅದೇ ಕಗ್ಗವನ್ನು ವೆಂಕಟರಾಮ ಭಟ್ಟರು ತುಳುವಿನಲ್ಲಿ ವಾಚಿಸಿ ವಿವರಿಸಿದಾಗ, ಇನ್ನೊಬ್ಬ ವಿದ್ವಾಂಸರಾದ ರಾಮಗೋಪಾಲರು ತಾವು ಇಂಗ್ಲಿಷ್‌ನಲ್ಲಿ ಅನುವಾದಿಸಿದ ಅದೇ ಕಗ್ಗವನ್ನು ವಾಚಿಸಿ ಇಂಗ್ಲಿಷ್‌ನಲ್ಲೇ ಅರ್ಥವಿವರಣೆ ಮಾಡುತ್ತಾರೆ. ಮತ್ತೊಬ್ಬ ಕವಿ ಡಾ| ಕೇಶವರಾಜ್ ಎ. ತಾವು ಸ್ವತಂತ್ರವಾಗಿ ಕಗ್ಗಕ್ಕೆ ಸಮಾಂತರವಾಗಿ ಕನ್ನಡದಲ್ಲಿ ರಚಿಸಿದ ಪದ್ಯವನ್ನು ವಾಚನ ಮಾಡಿ, ಕನ್ನಡದಲ್ಲೇ ಅರ್ಥ ವಿವರಣೆ ಮಾಡುತ್ತಾರೆ. ಈ ಕಾರ್ಯಕ್ರಮವನ್ನು ಒಕ್ಕೂಟದ ಸದಸ್ಯರಾಗಿರುವ ಶ್ರೀವತ್ಸ ಬಲ್ಲಾಳರು ಸಮನ್ವಯಕಾರರಾಗಿ ನಡೆಸಿಕೊಂಡು ಬರುತ್ತಿದ್ದಾರೆ.
ಅಕ್ಟೋಬರ್ 3  ಭಾನುವಾರ ಮೊದಲ ಪ್ರಸಾರ ಆರಂಭವಾಗಿ, ಅಕ್ಟೋಬರ್ 31 ಭಾನುವಾರದವರೆಗೆ ಪ್ರತಿ ಭಾನುವಾರ 5 ಕಂತುಗಳಲ್ಲಿ ಇದು ನಡೆಯಲಿದೆ. ವೆಂಕಟರಾಮ ಭಟ್ಟರನ್ನು ಬಿಟ್ಟು ಉಳಿದ ಮೂವರು ವಿದ್ವಾಂಸರೂ ಅಮೇರಿಕಾದಲ್ಲೇ ನೆಲೆಸಿದ ಕನ್ನಡಿಗರು. ಈ ಕಲಾಪದಲ್ಲಿ ವೆಂಕಟರಾಮ ಭಟ್ಟರು ಅಂತರ್ಜಾಲದ ಮೂಲಕ ಪಾಲ್ಗೊಳ್ಳುತ್ತಿದ್ದಾರೆ. ಮೂರು ಭಾಷೆಗಳಲ್ಲಿ ಒಂದೇ ವೇದಿಕೆಯಲ್ಲಿ ಇದು ನಡೆಯುತ್ತಿರುವುದು ಈ ಕಾರ್ಯಕ್ರಮದ ವಿಶೇಷತೆ. ಇದು ‘ಶಿವಳ್ಳಿ ಕುಟುಂಬ’ದ ಯು ಟ್ಯೂಬ್ ವಾಹಿನಿಯಲ್ಲಿ ಲಭ್ಯವಿದೆ.
~~~**~~~

Advt_NewsUnder_1
Advt_NewsUnder_1
Advt_NewsUnder_1
Advt_NewsUnder_1
Advt_NewsUnder_1
Advt_NewsUnder_1

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.