ಬಡ್ಡಡ್ಕ ಕಡೆಯಿಂದ ಆಲೆಟ್ಟಿ ಮುಖ್ಯ ರಸ್ತೆಯ ಮೂಲಕ ಸುಳ್ಯಕ್ಕೆ ಬರುತ್ತಿದ್ದ ಕ್ರೈನ್ ವಾಹನವೊಂದು ಚಾಲಕನ ನಿಯಂತ್ರಣ ತಪ್ಪಿ ಗುಂಡ್ಯ ಎಂಬಲ್ಲಿ ರಸ್ತೆ ಬದಿಗೆ ಸರಿದು ಪಲ್ಟಿಯಾದ ಘಟನೆ ಅ. 22 ರಂದು ಬೆಳಗ್ಗೆ ವರದಿಯಾಗಿದೆ.
ಬಡ್ಡಡ್ಕದಲ್ಲಿ ನೀರಿನ ಟ್ಯಾಂಕ್ ಕೆಲಸ ನಿರ್ವಹಿಸಲು ಹೋಗಿದ್ದ ಕ್ರೈನ್ ಹಿಂತಿರುಗಿ ಬರುವ ಸಂದರ್ಭದಲ್ಲಿ ಗುಂಡ್ಯ ತಿರುವಿನಲ್ಲಿ ಬ್ರೆಕ್ ವೈಫಲ್ಯದಿಂದ ರಸ್ತೆ ಬದಿಗೆ ಚಲಿಸಿ ಪಲ್ಟಿಯಾಯಿತು. ವಾಹನದಲ್ಲಿ ಇಬ್ಬರು ಇದ್ದು ಓರ್ವನಿಗೆ ತಲೆಗೆ ಮತ್ತು ಕೈಗೆ ಗಾಯವಾಗಿದೆ. ಗಾಯಗೊಂಡ ಚಾಲಕನನ್ನು ಸ್ಥಳೀಯರು ತಮ್ಮ ವಾಹನದಲ್ಲಿ ಕರೆ ತಂದು ಸುಳ್ಯದ ಸರಕಾರಿ ಆಸ್ಪತ್ರೆಗೆ ದಾಖಲಿಸಿರುತ್ತಾರೆ.
ಗಾಯಗೊಂಡ ಕ್ರೈನ್ ಚಾಲಕ ಧಾರವಾಡಮೂಲದವರೆಂದು ತಿಳಿದು ಬಂದಿದೆ.
