ರಾಷ್ಟ್ರೀಯ ಜನಸಂಖ್ಯಾ ಶಿಕ್ಷಣ ಯೋಜನೆ ಅಡಿಯಲ್ಲಿ ಚಿತ್ರದುರ್ಗ ಡಯಟ್ ನವರು ಮುರುಗಾ ಮಠದಲ್ಲಿ ನಡೆಸಿದ ಪಾತ್ರಾಭಿನಯ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನವನ್ನು ಪಡೆದು ಸ.ಪ.ಪೂ.ಕಾ. ಸುಳ್ಯದ ವಿದ್ಯಾರ್ಥಿಗಳು ಮತ್ತೊಮ್ಮೆ ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ಒಂಭತ್ತನೇ ತರಗತಿಯ ವಿದ್ಯಾರ್ಥಿಗಳಾದ ಪೌರ್ಣಮಿ, ಅಶ್ವಿತಾ, ಗಹನಾ, ಹಿಮಾದ್ರಿ, ಹಾಗೂ ತಸ್ವಿ ಭಾಗವಹಿಸಿ, ಸೇಫ್ ಯೂಸ್ ಆಫ್ ಗ್ಯಾಜೆಟ್ಸ್ ಎಂಬ ವಿಷಯದ ಪಾತ್ರಾಭಿನಯವನ್ನು ಮನೋಜ್ಞವಾಗಿ ಪ್ರಸ್ತುತ ಪಡಿಸಿದರು. ಉಪ ಪ್ರಾಂಶುಪಾಲರಾದ ಶ್ರೀ ಪ್ರಕಾಶ ಮೂಡಿತ್ತಾಯ ನಿರ್ದೇಶಿಸಿದರೆ, ಶಿಕ್ಷಕಿಯರಾದ ಪೂರ್ಣಿಮಾ ಟಿ ಮತ್ತು ಲತಾ ಪೈ ಅವರು ಮಾರ್ಗದರ್ಶನವನ್ನು ನೀಡಿದರು.
