ಇಂದು ಸ್ವಲ್ಪ ಹೊತ್ತಿನ ಮೊದಲು ಪಂಜ – ಕಡಬ ರಸ್ತೆಯ ಪುಳಿಕುಕ್ಕು ಎಂಬಲ್ಲಿ ಸ್ಕೂಟಿಯ ಮೇಲೆ ಮರ ಬಿದ್ದು ಸವಾರ ಸೀತಾರಾಮ ಗೌಡರು ಮೃತ ಪಟ್ಟದ್ದಲ್ಲದೆ , ಮರ ಅಡ್ಡಲಾಗಿ ಇರುವ ಕಾರಣ ರಸ್ತೆ ಕೂಡ ಬ್ಲಾಕ್ ಆಗಿದೆ.
ಮರ ಬಿದ್ದ ಪರಿಣಾಮ ಮೃತರಾಗಿರುವ ದೇವಸ್ಯ ಸೀತಾರಾಮ ಗೌಡ (56) ರು ಸುಮಾರು 20 ವರ್ಷಗಳಿಂದ ಎಡಮಂಗಲ ಸೊಸೈಟಿಯಲ್ಲಿ ಪಿಗ್ಮಿ ಸಂಗ್ರಹಕಾರರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಅವರ ಮೃತದೇಹವನ್ನು ಮರಣೋತ್ತರ ಶವ ಪರೀಕ್ಷೆಗಾಗಿ ಕಡಬ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ.
ರಸ್ತೆ ಬಂದ್
ಮರ ಬಿದ್ದ ಪರಿಣಾಮವಾಗಿ ಎರಡು ವಿದ್ಯುತ್ ಕಂಬ ಕೂಡ ತುಂಡಾಗಿದೆ. ಇದರಿಂದಾಗಿ ವಿದ್ಯುತ್ ಇಲ್ಲದಾಗಿದೆ. ರಸ್ತೆಗಡ್ಡ ಮರ ಬಿದ್ದಿರುವುದರಿಂದ ಕಡಬ – ಪಂಜ ರಸ್ತೆ ಬಂದ್ ಆಗಿದೆ. ಈಗ ವಾಹನ ಸವಾರರು ಎಡಮಂಗಲಕ್ಕೆ ಬಂದು ಪಾಲೊಳಿ ಮೂಲಕ ಕಡಬಕ್ಕೆ ಹೋಗುತ್ತಿದ್ದಾರೆ. ಎಡಮಂಗಲ ಸೊಸೈಟಿ ಅಧ್ಯಕ್ಷರಾದ ರಾಮಕೃಷ್ಣ ರೈ ಮಾಲೆಂಗ್ರಿಯವರು ಪಾಲೊಳಿ ಮೂಲಕ ಕಡಬಕ್ಕೆ ಹೋಗಿ ಪುಳಿಕುಕ್ಕುಗೆ ಬಂದಿದ್ದಾರೆ.
