ದುಗ್ಗಲಡ್ಕ ಸಮೀಪದ ಬಾವಿಯೊಂದಕ್ಕೆ ಬಿದ್ದ ಹೋರಿಯೊಂದನ್ನು ಸುಳ್ಯ ಗೃಹರಕ್ಷಕ ದಳದವರು ಊರವರ ಸಹಾಯದೊಂದಿಗೆ ರಕ್ಷಿಸಿದ ಘಟನೆ ಇಂದು ನಡೆದಿದೆ.
ದುಗ್ಗಲಡ್ಕದ ಕಜೆ ಕುಶಾಲಪ್ಪ ಗೌಡ ಎಂಬವರ ಮನೆ ಸಮೀಪದ ಬಾವಿಯೊಂದಕ್ಕೆ ಹೋರಿಯೊಂದು ಆಕಸ್ಮಿಕವಾಗಿ ಬಿತ್ತು. ವಿಷಯ ತಿಳಿದ ಮನೆಯವರು ಊರವರಿಗೆ ಮತ್ತು ಸುಳ್ಯ ಅಗ್ನಿಶಾಮಕ ದಳದವರಿಗೆ ವಿಷಯ ತಿಳಿಸಿದರು.ತಕ್ಷಣ ಆಗಮಿಸಿದ ಅಗ್ನಿ ಶಾಮಕ ದಳದವರು ಕಾರ್ಯಾಚರಣೆ ಕೈಗೊಂಡು ಬಾವಿಗೆ ಇಳಿದು ಹೋರಿಗೆ ಬೆಲ್ಟ್ ಜೋಡಿಸಿ ಮೇಲಕ್ಕೆತ್ತಿದರು.
ಊರವರು ಅವರಿಗೆ ಸಹಕಾರ ನೀಡಿದರು.ಹೋರಿಗೆ ಅಳವಡಿಸಿದ್ದ ಬೆಲ್ಟ್ ತೆಗೆಯಲು ಅಗ್ನಿಶಾಮಕ ದಳದವರು ತ್ರಾಸ ಪಡಬೇಕಾಗಿ ಬಂತ್ತು. ಯಾವುದೇ ಗಾಯಗಲಿಲ್ಲದೆ ಹೋರಿ ಓಡಿಹೋಯಿತ್ತೆಂದು ತಿಳಿದುಬಂದಿದೆ.
