ಗುತ್ತಿಗಾರು- ಪೈಕ – ಹನ್ನೆರಡು ಒಕ್ಕಲಿನ ಊರುಕಟ್ಟಿಗೆ ಸಂಬಂಧಿಸಿದಂತೆ ಊರಿನ ಹೆಮ್ಮೆಯ ಸಾಧಕ ೪ ಮಕ್ಕಳಿಗೆ ಅಭಿನಂದನಾ ಕಾರ್ಯಕ್ರಮ ಪೈಕ ಊರು ಗೌಡರ ಮನೆ ಜಗದೀಶ ಅವರ ಮನೆಯಲ್ಲಿ ಏ. ೧೬ ರಂದು ನಡೆಯಿತು.
೨೦೨೪ – ೨೫ ನೇ ಸಾಲಿನ NMMS ಪರೀಕ್ಷೆಯಲ್ಲಿ ಸುಳ್ಯ ತಾಲೂಕಿಗೆ ತೃತೀಯ ಸ್ಥಾನಿಯಾದ ಕು.ಟ.ಲಾವಣ್ಯ ಡಿ.ಎನ್. ಹಾಗೂ ಪಿಯುಸಿಯಲ್ಲಿ ಗುತ್ತಿಗಾರು ಕಾಲೇಜಿನಲ್ಲಿ ವಾಣಿಜ್ಯ ವಿಭಾಗದಲ್ಲಿ ಪ್ರಥಮ ಸ್ಥಾನಿಯಾಗದ ಕುಟ ಹಿತಾಶ್ರೀ ಎನ್.ಡಿ ಹಾಗೂ ವಿಜ್ಞಾನ ವಿಭಾಗದಲ್ಲಿ ವಿಶಿಷ್ಠ ಶ್ರೇಣಿಯಲ್ಲಿ ಸಾಧನೆಗೈದ ಕುಟ ಶ್ರೀ ಪ್ರೀಯಾ ಬಿ.ಪಿ ಇವರಿಗೆ ಸನ್ಮಾನ ನಡೆಸಲಾಯಿತು. ಅಲ್ಲದೆ ಉದಯೋನ್ಮೂಖ ಬಾಲ ಪ್ರತಿಭೆ ಕ್ರೀಡಾರಂಗದಲ್ಲಿ ಉದ್ಘೋಷಕನಾಗಿ ಮಿಂಚುವ ಜಸ್ಟಿತ್ ಕನ್ನಡ್ಕ ಅವರನ್ನು ಈ ಸಂದರ್ಭ ಸನ್ಮಾನಿಸಲಾಯಿತು.
ಪೈಕ ಬೈಲಿಗೆ ಸಂಬಂಧಪಟ್ಟ ಊರಿನ ಎಲ್ಲಾ ಗಣ್ಯಾತಿಗಣ್ಯರು ಈ ಸಂದರ್ಭದಲ್ಲಿ ಹಾಜರಿದ್ದು ಭವಿಷ್ಯಕ್ಕೆ ಶುಭ ಹಾರೈಸಿದರು.
ಅಭಿನಂದನಾ ಭಾಷಣವನ್ನು ನಿವೃತ್ತ ಪಿಡಿಒ ಮಣಿಯಾನ ಪುರುಷೋತ್ತಮ ನೆರವೇರಿಸಿದರು. ಹಿರಿಯರಾದ ಮುಚ್ಚಾರ ಚಿನ್ನಪ್ಪ ಗೌಡ, ಊರ ಗೌಡರಾದ ಜಗದೀಶ ಪಿ . ಎಸ್, ಪೈಕ ಶಾಲೆಯ ಮುಖ್ಯ ಗುರುಗಳಾದ ಸ್ನೇಹಲತಾ, ಗ್ತಾ. ಪಂ. ಅಧ್ಯಕ್ಷರಾದ ಶ್ರೀಮತಿ ಸುಮಿತ್ರ ಮೂಕಮಲೆ, ಯಮಿತಾ ಪೂರ್ಣಚಂದ್ರ, ವಿನುತಾ ಜಾಕೆ ವಿಶೇಷ ಸಾಧನೆಗೈದ ಮಕ್ಕಳಿಗೆ ಶುಭಹಾರೈಸಿದರು. ಪಿ. ಆರ್ . ಕಿಶೋರ್ ಕುಮಾರ್ ಪ್ರಾಸ್ತಾವಿಕ ನುಡಿಯೊಂದಿಗೆ ಎಲ್ಲರನ್ನು ಸ್ವಾಗತಿಸಿದರು. ಲೋಕೇಶ್ವರ ಡಿ.ಆರ್ ಧನ್ಯವಾದ ಮಾಡಿದರು.
