ಸುಳ್ಯದ ಪೊಲೀಸ್ ವೃತ್ತ ನಿರೀಕ್ಷಕರಾಗಿದ್ದು, ಕೆಲವು ದಿನಗಳ ಹಿಂದಷ್ಟೇ ಉಡುಪಿಗೆ ವರ್ಗಾವಣೆ ಆದೇಶ ಪಡೆದಿದ್ದ ನವೀನ್ ಚಂದ್ರ ಜೋಗಿಯವರ ಈ ವರ್ಗಾವಣೆಯನ್ನು ರದ್ದು ಗೊಳಿಸಿರುವುದಾಗಿ ತಿಳಿದು ಬಂದಿದೆ.
ರಾಜ್ಯದಲ್ಲಿ ಹಲವು ವೃತ್ತ ನಿರೀಕ್ಷರನ್ನು ವರ್ಗಾವಣೆಗೊಳಿಸಿ ಹೊಸ ಆದೇಶ ಪಟ್ಟಿ ಬಿಡುಗಡೆಗೊಂಡಿದ್ದು, ಇದರಲ್ಲಿ ಈ ಹಿಂದೆ ವರ್ಗಾವಣೆಗೊಳಿಸಿದ ಕೆಲವರ ವರ್ಗಾವಣೆಯನ್ನು ರದ್ದು ಪಡಿಸಿ ಹೊಸ ಆದೇಶವಿದೆ.
ನವೀನ್ ಚಂದ್ರ ಜೋಗಿಯವರನ್ನು ಉಡುಪಿ ಸಿ.ಇ.ಎನ್. ಪೊಲೀಸ್ ಠಾಣೆಗೆ ವರ್ಗಾಯಿಸಿರುವ ಆದೇಶವನ್ನು ರದ್ದು ಪಡಿಸಲಾಗಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
ಅವರು ಮತ್ತೆ ಸುಳ್ಯದಲ್ಲಿ ಮುಂದುವರಿಯುತ್ತಾರೆಯೋ ಅಥವಾ ಬೇರೆ ಕಡೆಗೆ ವರ್ಗಾವಣೆ ಆದೇಶ ಪಡೆಯುತ್ತಾರೆಯೋ ಎಂದು ಖಚಿತಪಟ್ಟಿಲ್ಲ.
