ಇತ್ತೀಚೆಗೆ ನಿಧನರಾದ ಹರಿಹರ ಪಲ್ಲತ್ತಡ್ಕ ಗ್ರಾಮ ಪಂಚಾಯತ್ ಸದಸ್ಯ ದಿವಾಕರ ಮಂಡಾಜೆ ಅವರ ವೈಕುಂಠ ಸಮಾರಾಧನ ಕಾರ್ಯಕ್ರಮ ಅ.27 ರಂದು ಗುತ್ತಿಗಾರಿನ ದೇವಿ ಸಿಟಿ ಕಾಂಪ್ಲೆಕ್ಸ್ ನ ಸಭಾಭವನದಲ್ಲಿ ನಡೆಯಿತು.
ಹಿರಿಯ ಸಹಕಾರಿ ಧುರೀಣ ಜಾಕೆ ಮಾಧವ ಗೌಡ, ಸುದ್ದಿ ಚಾನೆಲ್ ಮುಖ್ಯಸ್ಥ ದುರ್ಗಾಕುಮಾರ್ ನಾಯರ್ ಕೆರೆ, ಪೋಟೋ ಗ್ರಾಫರ್ ಅಸೋಸಿಯೇಷನ್ ನ ಸಹಕಾರಿ ಸಂಘದ ನಿರ್ದೇಶಕ ಕರುಣಾಕರ ಎಣ್ಣೆಮಜಲು ನುಡಿನಮನ ಸಲ್ಲಿಸಿದರು.
ಚಂದ್ರಹಾಸ ಶಿವಾಲ ಕಾರ್ಯಕ್ರಮ ನಿರೂಪಿಸಿದರು.
ದಿವಾಕರ ಅವರ ಭಾವಚಿತ್ರಕ್ಕೆ ದೀಪ ಬೆಳಗಿ ಪುಷ್ಪಾರ್ಚನೆ ನಡೆದು ಒಂದು ನಿಮಿಷದ ಮೌನ ಪ್ರಾರ್ಥನೆ ನಡೆಸಲಾಯಿತು.
ಕಾರ್ಯಕ್ರಮದಲ್ಲಿ ದಿವಾಕರ ಅವರ ತಂದೆ ಲಿಂಗಪ್ಪ ಗೌಡ, ತಾಯಿ ಶ್ರೀಮತಿ ಭಾಗೀರಥಿ, ಪತ್ನಿ ಶ್ರೀಮತಿ ಚಂದ್ರಲತಾ, ಮಕ್ಕಳಾದ ಭೂಮಿಕಾ ಮುಂಡಾಜೆ, ಆಶಿಕಾ ಮುಂಡಾಜೆ, ಸಹೋದರ ಪೃಥ್ವಿ ಮುಂಡಾಜೆ, ಮುಂಡಾಜೆ ಕುಟುಂಬಸ್ಥರು, ಬಂಧುಮಿತ್ರರು ಭಾಗವಹಿಸಿದ್ದರು.
