ಗುತ್ತಿಗಾರು ಸೊಸೈಟಿ ಶತಮಾನೋತ್ಸವ ಉದ್ಘಾಟಿಸಿ ಮಾಜಿ ಸಂಸದ ನಳಿನ್ ಕುಮಾರ್ ಕಟೀಲ್
ಗುತ್ತಿಗಾರು ಸಹಕಾರಿ ಸಂಘ ಸಮಾಜದ ಜೀವನಾಡಿಯಂತಿದೆ ; ಶ್ಲಾಘನೆ
ಜಗತ್ತಿನಲ್ಲಿ ಆರ್ಥಿಕ ಕುಸಿತ ಉಂಟಾದಾಗಲೂ ಭಾರತದ ಆರ್ಥಿಕತೆ ಮೇಲ್ಮಟ್ಟದಲ್ಲಿರುವುದಕ್ಕೆ ಇಲ್ಲಿನ ಸಹಕಾರಿ ಚಳುವಳಿ ಕಾರಣ ಎಂದು ಮಾಜಿ ಸಂಸದ ನಳಿನ್‌ಕುಮಾರ್ ಕಟೀಲ್ ಹೇಳಿದ್ದಾರೆ.
ಗುತ್ತಿಗಾರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಶತಮಾನೋತ್ಸವ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಸಾಮಾನ್ಯ ರೈತ ಕೂಡಾ ವ್ಯವಹಾರದಲ್ಲಿ ಪ್ರಗತಿ ಸಾಧಿಸಲು, ಆರ್ಥಿಕ ಜಾಗೃತಿ ಸಾಧಿಸಲು ಇಂತಹ ಸಹಕಾರಿ ಚಳುವಳಿ ಕಾರಣವಾಗಿದೆ. ಮೊಳಹಳ್ಳಿಯವರ ಆಶಯ ೧೦೦ ವರ್ಷದ ಬಳಿಕವೂ ಪೂರೈಸುವ ಟೀಮ್ ಸಹಕಾರಿ ರಂಗದಲ್ಲಿರುವ ಕಾರಣದಿಂದಲೇ ಸಹಕಾರಿ ಸಂಘಗಳು ಜನಮಾನಸದೊಂದಿಗೆ ಬೆಸೆದಿದೆ ಮತ್ತು ಬೆಳೆದಿದೆ ಎಂದು ಹೇಳಿದ ಅವರು, ಗುತ್ತಿಗಾರು ಸಹಕಾರಿ ಸಂಘವು ಸಮಾಜದ ಜೀವನಾಡಿಯಾಗಿ ಕಾರ್ಯಪ್ರವರ್ತಿಸಿದ ಕಾರಣದಿಂದಲೇ ಇಂದು ಸಂಭ್ರಮದಿಂದ ಶತಮಾನೋತ್ಸವ ಆಚರಿಸಲು ಕಾರಣವಾಗಿದೆ, ಇದರ ಹೆಜ್ಜೆಗುರುತುಗಳಲ್ಲಿ ಮುಂದಿನ ಭವಿಷ್ಯವನ್ನು ನಿರ್ಧರಿಸಬಹುದಾಗಿದೆ ಎಂದು ಅವರು ಹೇಳಿದರು.
