ಸುಳ್ಯ ನಗರದ ಕಾಯರ್ತೋಡಿ ಮಿತ್ರ ಬಳಗದ ವತಿಯಿಂದ ಬೆಳಕಿನ ಹಬ್ಬ ದೀಪಾವಳಿ ಪ್ರಯುಕ್ತ ಪ್ರತೀ ವರ್ಷದಂತೆ ಬಲೀಂದ್ರ ಅಲಂಕಾರ ಹಾಗೂ ಗೂಡುದೀಪ ಸ್ಪರ್ಧೆಯು ನ.3ರಂದು ನಡೆಯಲಿದೆ.
ಬಲೀಂದ್ರ ಅಲಂಕಾರ ಸ್ಪರ್ಧೆ ಹಾಗೂ ಗೂಡುದೀಪ ಸ್ಪರ್ಧೆಯಲ್ಲಿ ಭಾಗವಹಿಸುವ ಮನೆಯವರು ನ.2ರೊಳಗೆ ಮಿತ್ರಬಳಗದ ಪದಾಧಿಕಾರಿಗಳಿಗೆ ತಿಳಿಸಬೇಕಾಗಿದೆ.
ಬಲೀಂದ್ರ ಅಲಂಕಾರವು ಪ್ಲಾಸ್ಟಿಕ್ ಬಳಕೆ ಮಾಡದೇ, ಜಾನಪದ ಶೈಲಿಯಲ್ಲಿ ಕೂಡಿದ್ದು, ಸಂಪ್ರದಾಯಬದ್ಧವಾಗಿರಬೇಕು. ಗೂಡುದೀಪ ಸ್ಪರ್ಧೆಯು ನ.3ರಂದು ಸಂಜೆ ಕಾಯರ್ತೋಡಿ ಶ್ರೀ ಮಹಾವಿಷ್ಣು ದೇವಸ್ಥಾನದ ವಠಾರದಲ್ಲಿ ಜರುಗಲಿದ್ದು, ಹೆಚ್ಚಿನ ಮಾಹಿತಿಗಾಗಿ ಕಾಯರ್ತೋಡಿ ಮಿತ್ರಬಳಗದ ಪದಾಧಿಕಾರಿಗಳನ್ನು ಸಂಪರ್ಕಿಸಬಹುದಾಗಿದೆ.
