ತಿಂಗಳುಗಳ ಬಳಿಕ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಜಾಫರ್
ಜಯನಗರ ನಿವಾಸಿ ದಿವಂಗತ ಇಸ್ಮಾಯಿಲ್ ಎಂಬವರ ಪುತ್ರಿ ಅಲೀಮ (ಶೈಮಾ) (35) ಎಂಬವರು ಕಳೆದ ಒಂದು ತಿಂಗಳ ಹಿಂದೆ ಕಾಸರಗೋಡು ಪೊವ್ವಲ್ ನ ತನ್ನ ಪತಿ ಮನೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಘಟನೆಗೆ ಸಂಬಂಧಿಸಿ ತಲೆಮರಿಸಿಕೊಂಡಿದ್ದ ಆಕೆಯ ಪತಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಮಹಿಳೆಯ ಸಾವಿನ ಬಗ್ಗೆ ಅನುಮಾನ ವ್ಯಕ್ತ ಪಡಿಸಿದ ಆಕೆಯ ಮನೆಯವರು ಪೊಲೀಸರಿಗೆ ದೂರು ನೀಡಿದ್ದರು.
ಈ ಘಟನೆಗೆ ಸಂಭದಿಸಿ ಕಳೆದ ಒಂದು ತಿಂಗಳಿಂದ ತಲೆಮರೆಸಿಕೊಂಡಿದ್ದ ಆಕೆಯ ಪತಿ ಜಾಫರ್ ಎಂಬಾತನನ್ನು ಕೇರಳ ಪೊಲೀಸರು ನ 11 ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಡೆತ್ ನೋಟ್,ಮೃತ ಅಲೀಮ ಕುಟುಂಬಸ್ಥರ ದೂರು, ಹಾಗೂ ಮರಣೋತ್ತರ ಪರೀಕ್ಷೆ ಆಧಾರದ ಮೇರೆಗೆ ಪತಿ ಜಾಫರ್ ಮೇಲೆ ಅಂದು ಕೇಸು ದಾಖಲಾಗಿತ್ತು.
ಇದೀಗ ಆರೋಪಿ ಜಾಫರ್ ನನ್ನು ಕಾಸರಗೋಡು ಪೊಲೀಸರು ತಿರುವನಂತಪುರಂ ರೈಲ್ವೆ ಸ್ಟೇಷನ್ ನಿಂದ ಬಂಧಿಸಿದ್ದಾರೆ ಎಂದು ತಿಳಿದು ಬಂದಿದೆ
