ಎಲಿಮಲೆ ಸರಕಾರಿ ಪ್ರೌಢಶಾಲೆಯ ಮುಂಭಾಗದಲ್ಲಿರುವ ಆನೆ, ಜಿರಾಫೆ, ಮೀನು, ಕೊಕ್ಕರೆ, ನವಿಲುಗಳ ಪ್ರತಿಮೆಗಳಿಂದ ಕೂಡಿದ ಉದ್ಯಾನವನ ಎಲ್ಲರ ಆಕರ್ಷಣೆ ಕೇಂದ್ರವಾಗಿದೆ. ಇಂದು ಮತ್ತು ನಾಳೆ ಶಾಲಾ ಮೈದಾನದಲ್ಲಿ ನಡೆಯುತ್ತಿರುವ ತಾಲೂಕು ಮಟ್ಟದ ಕ್ರೀಡಾಕೂಟ ಕ್ರೀಡಾ ವೈಭವ – 2024ರ ಹಿನ್ನೆಲೆಯಲ್ಲಿ ಶಾಲಾ ಉದ್ಯಾನವದನಲ್ಲಿ ಫೋಟೋ ಕಾರ್ನರ್ ಮಾಡಲಾಗಿದೆ.
ಇದು ಕ್ರೀಡಾಪಟುಗಳನ್ನು ಮತ್ತು ಕ್ರೀಡಾಭಿಮಾನಿಗಳನ್ನು ಆಕರ್ಷಿಸುತ್ತಿದೆ. ದೊಡ್ಡವರು, ಮಕ್ಕಳು, ವಿದ್ಯಾರ್ಥಿಗಳು ಸೇರಿದಂತೆ ಬೇರೆ ಬೇರೆ ಶಾಲೆಗಳಿಂದ ಬಂದ ಶಿಕ್ಷಕರು ಫೋಟೊ ಕಾರ್ನರ್ ನಲ್ಲಿ ನಿಂತು ಫೋಟೊ ಕ್ಲಿಕ್ಕಿಸಿಕೊಳ್ಳುತ್ತಿದ್ದರು.
