ಆಸ್ಪತ್ರೆಗೆ ದಾಖಲು
ಬೈತಡ್ಕ ಮಾಣಿ ಮೈಸೂರು ಹೆದ್ದಾರಿಯಲ್ಲಿ ಕೆಲವು ಸಮಯದ ಮೊದಲು ಡೀಸೆಲ್ ಟ್ಯಾಂಕರ್ ಬಿದ್ದಲ್ಲಿ ದ್ವಿಚಕ್ರ ವಾಹನ ಸ್ಕಿಡ್ದಾಗಿ ಬಿದ್ದು ಬೈಕ್ ಸವಾರನಿಗೆ ಗಾಯವಾದ ಘಟನೆ ವರದಿಯಾಗಿದೆ.
ಕಾಸರಗೋಡು ವಿನಿಂದ ಸುಳ್ಯಕ್ಕೆ ಬೈಕಿನಲ್ಲಿ ಬರುತ್ತಿದ್ದ ಇಬ್ರಾಹಿಂ ಎಂಬುವವರು ಟ್ಯಾಂಕರ್ ಬಿದ್ದಿರುವ ಸ್ಥಳಕ್ಕೆ ವಾಹನ ಬಿದ್ದು ಅಲ್ಪ ಸಮಯದಲ್ಲಿ ಇವರು ಬಂದಿದ್ದು,ಬರುತ್ತಿದ್ದಂತೆ ಎದುರುಗಡೆಯಿಂದ ಕಾರು ಬಂದಿದ್ದು ಇವರು ಕೂಡಲೇ ಬ್ರೇಕ್ ಹಾಕಿದ್ದಾರೆ ಎನ್ನಲಾಗಿದೆ.
ಈ ವೇಳೆ ರಸ್ತೆಯಲ್ಲಿ ಡೀಸೆಲ್ ಚೆಲ್ಲಿ ರಸ್ತೆ ಜಾರುತಿದ್ದ ಕಾರಣ ಇವರ ನಿಯಂತ್ರಣ ತಪ್ಪಿ ರಸ್ತೆಗೆ ಬಿದ್ದಿದ್ದಾರೆ. ಘಟನೆಯಿಂದ ಇವರ ಕಣ್ಣಿನ ಭಾಗಕ್ಕೆ ಬಲವಾದ ಗಾಯವಾಗಿದ್ದು ಸ್ಥಳೀಯರು ಅವರನ್ನು ಸುಳ್ಯ ಆಸ್ಪತ್ರೆಗೆ ತಂದು ದಾಖಲಿಸಿದ್ದಾರೆ ಎಂದು ತಿಳಿದು ಬಂದಿದೆ.
ಟ್ಯಾಂಕರ್ ಬಿದ್ದು ಸ್ವಲ್ಪ ಸಮಯದಲ್ಲೇ ಸ್ಥಳಕ್ಕೆ ಅಗ್ನಿ ಶಾಮಕ ಸಿಬ್ಬಂದಿಗಳು ಮತ್ತು ಪೊಲೀಸರು ಧಾವಿಸಿದ್ದು ಡೀಸೆಲ್ ಚೆಲ್ಲಿರುವ ಸ್ಥಳದಲ್ಲಿ ರಸ್ತೆಗೆ ಮಣ್ಣು ಹಾಕಿ ಅಪಾಯವನ್ನು ತಪ್ಪಿಸುವ ಕೆಲಸ ಕಾರ್ಯ ಮಾಡಿದ್ದಾರೆ.
