ಬಾಳುಗೋಡು ಗ್ರಾಮದ ಬೆಟ್ಟುಮಕ್ಕಿಯಲ್ಲಿ ಶ್ರೀ ಬೆಟ್ಟುಮಕ್ಕಿಯಲ್ಲಿ ಶ್ರೀ ಶಿರಾಡಿ ಹಾಗೂ ಸಹ ಪರಿವಾರ ದೈವಗಳ ವಾರ್ಷಿಕ ನೇಮೋತ್ಸವವು ಮೇ.1 ರಿಂದ ಮೇ 3 ರಂದು ನಡೆಯಲಿದೆ.
ಬೆಟ್ಟುಮಕ್ಕಿಯಲ್ಲಿ
ಬ್ರಹ್ಮರು, ನುಗ್ಗೆ ಮಾದಿಮಾಳ್, ಮಣಿಗೋವಿಂದ, ಗಿಳಿರಾಮ, ಪೊಟ್ಟ, ಪೋರಂದಾಯ, ಪುರುಷ, ಕರಿನಾಯಕ, ಬೇಡವ, ಬಚ್ಚನಾಯಕ, ಮಣಿಪಂತ ಪಂಜುರ್ಲಿ, ಕಲ್ಲುರ್ಟಿ, ಕಲ್ಕುಡ, ಅಡಿಮಂತಾಯ ಹಾಗೂ ಕಟ್ಟೆಗುಳಿಗ ದೈವಗಳ ನೇಮೋತ್ಸವ ನಡೆಯಲಿದೆ.
ಮೇ. 1 ರ ಸಂಜೆ ಗಂಟೆ 3.00ಕ್ಕೆ ಬೆಟ್ಟುಮಕ್ಕಿಯಲ್ಲಿ ಗ್ರಾಮಸ್ಥರು ಸೇರಿ ಭಂಡಾರ ಹಿಡಿದು ಶಿರಾಡಿ ಬದಿ ಕಂಚಾರಕ್ಕೆ ಹೋಗಿ ತಂಬಿಲಾದಿ ಸೇವೆ ನಡೆಯಲಿದೆ. ಮೇ. 2 ರ ಬೆಳಗ್ಗೆ ಗಂಟೆ 6 ರಿಂದ ನೇಮೋತ್ಸವ ನಡೆಯಲಿದೆ. ಬೆಳಗ್ಗೆ ಗಂಟೆ 11.00 ಗಂಟೆಯಿಂದ ಹರಕೆ ಕಾಣಿಕೆ ಒಪ್ಪಿಸುವ ಕಾರ್ಯಕ್ರಮ ನಡೆಯಲಿದೆ. ಮಧ್ಯಾಹ್ನ ಗಂಟೆ 12.30ಕ್ಕೆ ಗಡಿಗೆ ಹೋಗುವ ಕಾರ್ಯಕ್ರಮ ಇದ್ದು, ಮಧ್ಯಾಹ್ನ ಪ್ರಸಾದ ವಿತರಣೆ ಬಳಿಕ ಅನ್ನ ಸಂತರ್ಪಣೆ ನಡೆಯಲಿದೆ. ಮೇ.4 ರಂದು ವಾರ್ಷಿಕ ತಂಬಿಲಾದಿ ಸೇವೆ ನಡೆಯಲಿದೆ.
