ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಮಾಡಿದ ಸಾಧನೆಯನ್ನು ಗುರುತಿಸಿ ಸುದ್ದಿ ಚಾನೆಲ್ ನಿರೂಪಕಿ ಶ್ರೀಮತಿ ಪೂಜಾಶ್ರೀ ವಿತೇಶ್ ಕೋಡಿಯವರಿಗೆ ಮ್ಯಾಕ್ಸ್ ಲೈಫ್ ಇನ್ಸೂರೆನ್ಸ್ ಹಾಗೂ ಎಕ್ಸಿಸ್ ಬ್ಯಾಂಕ್ ಸಹಯೋಗದೊಂದಿಗೆ ನ.8ರಂದು ಮಂಗಳೂರಿನ ರೀಜನಲ್ ಕಛೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಸಿಬ್ಬಂದಿ ಹಾಗೂ ಗಣ್ಯರ ಸಮ್ಮುಖದಲ್ಲಿ ಕಲಾರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಇವರು ಬೆಂಗಳೂರಿನ ಕಸ್ತೂರಿ ಚಾನೆಲ್, ಉಡುಪಿಯ ಮುಕ್ತ ಚಾನೆಲ್, ನ್ಯೂಸ್ ಭಂಡಾರ ವೆಬ್‌ಸೈಟ್‌ನಲ್ಲಿ ಕರ್ತವ್ಯ ನಿರ್ವಹಿಸಿ ಪ್ರಸ್ತುತ ಸುದ್ದಿ ಬಿಡುಗಡೆ ಸಂಸ್ಥೆಯಲ್ಲಿ 2017ರಿಂದ ಪತ್ರಕರ್ತೆ, ನಿರೂಪಕಿಯಾಗಿ ಪ್ರಸ್ತುತ ಸುದ್ದಿ ಚಾನೆಲ್ ಜಾಹೀರಾತು ವಿಭಾಗದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.
ಸುಳ್ಯ ಪ್ರೆಸ್ ಕ್ಲಬ್‌ನ ನಿರ್ದೇಶಕಿಯಾಗಿರುವ ಪೂಜಾಶ್ರೀಯವರು ಜಾಲ್ಸೂರು ಗ್ರಾಮದ ಆರ್ತಾಜೆ ಉಮೇಶ್ ಹಾಗೂ ವೇದಾವತಿ ದಂಪತಿಯ ಪುತ್ರಿ.
ಮರ್ಕಂಜ ಕೋಡಿಮನೆ ವಿತೇಶ್‌ರವರ ಪತ್ನಿ. ಪುತ್ರ ನಿನಾದ್ ಮೂರ್ತಿ ಕೆ.ವಿ.ಅಂಜಲಿ ಮೊಂಟೇಸರಿ ಸ್ಕೂಲ್ ನ ವಿದ್ಯಾರ್ಥಿ.
