ಕನಕಮಜಲು: ಮೂರ್ಜೆಯಲ್ಲಿ ಕೃಷಿ ತೋಟಕ್ಕೆ ಕಾಡಾನೆ ದಾಳಿ -ಕೃಷಿಬೆಳೆ ನಾಶ

ಕನಕಮಜಲು ಗ್ರಾಮದ ಮೂರ್ಜೆಯಲ್ಲಿ ಕೃಷಿ ತೋಟಕ್ಕೆ ಕಾಡಾನೆಗಳು ದಾಳಿ ನಡೆಸಿ, ಕೃಷಿ ಬೆಳೆ ನಾಶಗೊಂಡ ಘಟನೆ ನ.21ರಂದು ಸಂಭವಿಸಿದೆ.

ಕನಕಮಜಲು ಗ್ರಾಮದ ಮೂರ್ಜೆಯಲ್ಲಿರುವ ರಾಧಾಕೃಷ್ಣ ಮೂರ್ಜೆ ಅವರ ಕೃಷಿ ತೋಟಕ್ಕೆ ರಾತ್ರಿಯ ವೇಳೆ ಕಾಡಾನೆಗಳು ದಾಳಿ ನಡೆಸಿದ್ದು, ಅಡಿಕೆ, ಬಾಳೆ, ತೆಂಗಿನ ಸಸಿಗಳನ್ನು ಹಾಗೂ ಜೀಗುಜ್ಜೆ ಮರವನ್ನು ಹಾನಿ ಮಾಡಿದ್ದು, ಜೊತೆಗೆ ತೋಟದ ಬದಿ ಹಾಕಿದ್ದ ಬೇಲಿಯನ್ನು ನಾಶ ಪಡಿಸಿರುವುದಾಗಿ ತಿಳಿದುಬಂದಿದೆ.

ಕನಕಮಜಲು ಗ್ರಾಮದ ಆನೆಗುಂಡಿ ಪರಿಸರದಲ್ಲಿ ಕಳೆದ ವಾರ ಎರಡು ಕಾಡಾನೆಗಳು ರಸ್ತೆ ಬದಿಯಿದ್ದು, ರಾತ್ರಿಯ ವೇಳೆ ಕೃಷಿ ತೋಟಗಳಿಗೆ ನುಗ್ಗಿ ಕೃಷಿ ಬೆಳೆ ನಾಶಪಡಿಸುತ್ತಿದ್ದು, ಕೃಷಿಕರು ಕಂಗಾಲಾಗಿದ್ದಾರೆ‌.