ಐವರ್ನಾಡಿನಲ್ಲಿ ವಿಜೃಂಭಿಸಲಿದೆ ಬಲಿಷ್ಟ 12 ತಂಡಗಳ ಪಂದ್ಯಾಟ
ಐವರ್ನಾಡಿನಲ್ಲಿ ಅಂತರಾಜ್ಯ ಮಟ್ಟದ ಹೊನಲು ಬೆಳಕಿನ ಮ್ಯಾಟ್ ಕಬಡ್ಡಿ ಪಂದ್ಯಾಟವು ಎಸ್.ಎನ್. ಮನ್ಮಥ ರವರ ನೇತೃತ್ವದಲ್ಲಿ ಫೆ.22 ಮತ್ತು ಫೆ.23 ರಂದು ನಡೆಯಲಿದೆ.
ಪಂದ್ಯಾಟವು ಯಶಸ್ವಿಯಾಗಿ ನಡೆಯಲು ಪೂರ್ವಭಾವಿ ಸಭೆಯು ಅಧ್ಯಕ್ಷ ಸಾತ್ವಿಕ್ ಕುದುಂಗು ಇವರ ಅಧ್ಯಕ್ಷತೆಯಲ್ಲಿ ಜ.10 ರಂದು ಐವರ್ನಾಡಿನಲ್ಲಿ ನಡೆಯಿತು.
ಸಭೆಯಲ್ಲಿ ಗೌರವ ಅಧ್ಯಕ್ಷರಾದ ಎಸ್.ಎನ್. ಮನ್ಮಥರವರು ಮಾತನಾಡಿ ಅಂತರಾಜ್ಯ ಮಟ್ಟದ ಹೊನಲು ಬೆಳಕಿನ ಮ್ಯಾಟ್ ಕಬಡ್ಡಿ ಪಂದ್ಯಾಟವನ್ನು ಐವರ್ನಾಡಿನ ಜೂನಿಯರ್ ಕಾಲೇಜು ಮೈದಾನದಲ್ಲಿ ಫೆ.22 ಮತ್ತು 23 ರಂದು ನಡೆಸಲಾಗುವುದು.
ಒಟ್ಟು ಬಲಿಷ್ಟ 12 ತಂಡಗಳು ಪಂದ್ಯಾಟದಲ್ಲಿ ಭಾಗವಹಿಸಲಿದ್ದು ಅದ್ದೂರಿಯಾಗಿ ಕಬಡ್ಡಿ ಪಂದ್ಯಾಟ ನಡೆಯಲಿದೆ.
ಎಲ್ಲಾ ಸಿದ್ದತೆಗಳನ್ನು ನಡೆಸಲು ವಿವಿದ ಸಮಿತಿಗಳನ್ನು ರಚಿಸಲಾಗುವುದು ಎಂದು ಹೇಳಿದರು.
ಬ್ಯಾಂಕ್ ಆಫ್ ಬರೊಡ,ಕರ್ನಾಟಕ ಸ್ಟೇಟ್ ಪೊಲೀಸ್,ಆರ್.ಡಬ್ಲ್ಯೂ ಎಫ್., ಎಚ್.ಎಂ.ಟಿ.ಬೆಂಗಳೂರು,ಮೈಸೂರು ಯುನಿವರ್ಸಿಟಿ, ಎಸ್.ಡಿ.ಎಂ.ಉಜಿರೆ, ಆಳ್ವಾಸ್ ಮೂಡಬಿದ್ರೆ,ವಿದ್ಯಾ ಆಂಜನೇಯ ಉಳ್ಳಾಲ,ಫ್ರೆಂಡ್ಸ್ ಕಡಬ, ಎನ್.ಎಂ.ಸಿ.ಸುಳ್ಯ, ದೊರೈಸಿಂಗಂ ತಮಿಳುನಾಡು,ಕಟ್ಟಕುಡಿ ತಮಿಳುನಾಡು ಒಟ್ಡು 12 ಬಲಿಷ್ಟ ತಂಡಗಳು ಭಾಗವಹಿಸಲಿದೆ.
ಸಭೆಯಲ್ಲಿ ಸಂಚಾಲಕ ವಾಸುದೇವ ಬೊಳುಬೈಲು, ಕಾರ್ಯದರ್ಶಿ ಪ್ರಮೋದ್ ಕಣಿಲೆಗುಂಡಿ,ದೊಡ್ಡಣ್ಣ ಬರೆಮೇಲು,ಮಾಧವ ಭಟ್ ಶೃಂಗೇರಿ,ಬಾಲಕೃಷ್ಣ ಕೀಲಾಡಿ,ಮೋಹನ್ ಸುಂದರ,ಶಾಂತಾರಾಮ ಕಣಿಲೆಗುಂಡಿ,ಶಿವಪ್ರಸಾದ್ ಕಟ್ಟತ್ತಾರು,ಶಿವಪ್ರಸಾದ್ ದರ್ಖಾಸ್ತು,ಶೇಖರ ಮಡ್ತಿಲ,ಮಹೇಶ ಜಬಳೆ,ರವಿನಾಥ ಮಡ್ತಿಲ,ರಾಜೇಂದ್ರ ಪಾತಿಕಲ್ಲು,ಶರತ್ ಸಿ.ಕೂಪ್, ನಟರಾಜ ಸಿ.ಕೂಪ್,ರಂಜನ್ ಮೂಲೆತೋಟ,ರಮೇಶ ಮಿತ್ತಮೂಲೆ, ಗುರು ನಿಡುಬೆ,ಚಂದ್ರಕಾಂತ ಕೋಡ್ತೀಲು,ಶೇಖರ ಕೊಯಿಲ,ಜೀವನ್ ಜಬಳೆ ಮತ್ತು ಕ್ರೀಡಾಭಿಮಾನಿಗಳು ಉಪಸ್ಥಿತರಿದ್ದರು.
