ಕುದ್ರೆಪಾಯ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕರಾಗಿದ್ದ ಮುರಳೀಧರ ಎಸ್.ಎನ್ ರವರು ಸೋಮವಾರಪೇಟೆ ತಾಲೂಕಿನ ಬೆಸೂರು ಕ್ಲಸ್ಟರ್‌ಗೆ ಸಿಆರ್‌ಪಿಯಾಗಿ ವರ್ಗಾವಣೆಗೊಂಡ ಹಿನ್ನೆಲೆಯಲ್ಲಿ ಹಾಗೂ ಕಡಬ ಮೆಸ್ಕಾಂ ಉಪವಿಭಾಗದಲ್ಲಿ ಸಹಾಯಕ ಇಂಜಿನಿಯರ್ ಆಗಿರುವ ಈ ಶಾಲೆಯ ಹಳೆ ವಿದ್ಯಾರ್ಥಿ ಸತ್ಯನಾರಾಯಣರಿಗೆ ಸನ್ಮಾನ ಸಮಾರಂಭವು ನಡೆಯಿತು. ವೇದಿಕೆಯಲ್ಲಿ ಶಾಲೆಯ ಎಸ್.ಡಿ.ಎಂ.ಸಿ.ಅಧ್ಯಕ್ಷ ಭೋಜಪ್ಪ ದೊಡ್ಕಜೆ, ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಚಿನ್ನಪ್ಪ ಉಗ್ಗೆಟ್ಟಿ, ಚೆಂಬು ಗ್ರಾ.ಪಂ. ಸದಸ್ಯೆ ಶಶಿಕಲಾ, ಮುಖ್ಯ ಶಿಕ್ಷಕ ಶೇಷಪ್ಪ ಸಿ.ಆರ್. ಉಪಸ್ಥಿತರಿದ್ದರು.
ಶಾಲಾ ಮುಳ್ಯ ಶಿಕ್ಷಕ ಶೇಷಪ್ಪ ಸಿ,.ಆರ್. ಸನ್ಮಾನಿತರನ್ನು ಪರಿಚಯಿಸಿದರು. ಅಪ್ಪು ಮೆಲೋಡೀಸ್ ಕುದ್ರೆಪಾಯ, ಟೀನಾ ಮತ್ತು ಜಯಪ್ರಕಾಶ್ ತಂಡದಿಂದ ಸಂಗೀತ ರಸಮಂಜರಿ ನಡೆಯಿತು. ಶಿಕ್ಷಕಿ ಚೈತ್ರ ಗೋಪಾಲಕೃಷ್ಣ ಸ್ವಾಗತಿಸಿ, ಶಿಕ್ಷಕಿ ಸೌಮ್ಯ ಶಶಿಕಾಂತ್ ವಂದಿಸಿದರು.
