ರಾಜ್ಯಪ್ರಶಸ್ತಿ ಪುರಸ್ಕೃತ ಕಾಯರ್ತೋಡಿ ಮಿತ್ರ ಬಳಗದ ವತಿಯಿಂದ ಬೆಳಕಿನ ಹಬ್ಬ ದೀಪಾವಳಿ ಪ್ರಯುಕ್ತ ವಿವಿಧ ಆಟೋಟ ಸ್ಪರ್ಧೆ ಹಾಗೂ ಸನ್ಮಾನ ಕಾರ್ಯಕ್ರಮವು ಇತ್ತೀಚೆಗೆ ಕಾಯರ್ತೋಡಿ ಬೈಲಿನಲ್ಲಿ ನಡೆಯಿತು.
ಕಾರ್ಯಕ್ರಮವನ್ನು ತುಳು ರಂಗಭೂಮಿ ಕಲಾವಿದ ಸುಂದರ ರೈ ಮಂದಾರ ಅವರು ಉದ್ಘಾಟಿಸಿ, ಶುಭಹಾರೈಸಿದರು.
ಮಿತ್ರಬಳಗದ ಅಧ್ಯಕ್ಷ ದೇವಿಪ್ರಸಾದ್ ಎ. ಅವರು ಅಧ್ಯಕ್ಷತೆ ವಹಿಸಿದ್ದರು. ಮಿತ್ರಬಳಗದ ಸ್ಥಾಪಕಾಧ್ಯಕ್ಷ ಶ್ರೀಧರ ರಾವ್ ಕಾಯರ್ತೋಡಿ ಅವರು ಮುಖ್ಯ ಅತಿಥಿಯಾಗಿ ಉಪಸ್ಥಿತರಿದ್ದರು. ಕ್ರೀಡಾ ಕಾರ್ಯದರ್ಶಿ ಯಶೋಧರ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಮಿತ್ರಬಳಗದ ಪೂರ್ವಾಧ್ಯಕ್ಷ ಎ.ಟಿ. ಕುಸುಮಾಧರ ಹಾಗೂ ನಿರೂಪಕ ವಿ.ಜೆ. ವಿಖ್ಯಾತ್ ಅವರನ್ನು ಮಿತ್ರ ಬಳಗದ ವತಿಯಿಂದ ಸನ್ಮಾನಿಸಿ, ಗೌರವಿಸಲಾಯಿತು.
ಬಳಿಕ ಪುರುಷರಿಗೆ, ಮಹಿಳೆಯರಿಗೆ ವಿವಿಧ ಆಟೋಟ ಸ್ಪರ್ಧೆಗಳು ನಡೆದವು. ಪುರುಷರ ವಿಭಾಗದ ಮುಕ್ತ ಹಗ್ಗಜಗ್ಗಾಟ ಸ್ಪರ್ಧೆಯಲ್ಲಿ ವಿಷ್ಣು ಬಳಗ ಅಡ್ಕ ಪ್ರಥಮ ಹಾಗೂ ಮಿತ್ರಬಳಗ ಕಾಯರ್ತೋಡಿ ದ್ವಿತೀಯ ಬಹುಮಾನ ಪಡೆದುಕೊಂಡಿತು. ಪುರುಷರ 510 ಕೆ.ಜಿ. ವಿಭಾಗದಲ್ಲಿ ಬಂಟ್ವಾಳದ ವಿದ್ಯಾದಾಯಿನಿ ಪ್ರಥಮ, ಸಂಪ್ಯದ ವಿಷ್ಣುಬಳಗ ದ್ವಿತೀಯ ಹಾಗೂ ಶ್ರೀ ಸಾಯಿ ಫ್ರೆಂಡ್ಸ್ ಬಂದಾರು ತೃತೀಯ ಹಾಗೂ ವಿಷ್ಣುಬಳಗ ಅಡ್ಕ ಚತುರ್ಥ ಬಹುಮಾನ ಪಡೆದುಕೊಂಡಿತು.
