ಇತ್ತೀಚೆಗೆ ಅಕಾಲಿಕವಾಗಿ ನಿಧನ ಹೊಂದಿದ ಪ್ರಭಾಕರ ರೈ ರವರಿಗೆ ಶ್ರದ್ಧಾಂಜಲಿ ಸಭೆಯು ಮುರುಳ್ಯ ಹಾಲು ಉತ್ಪಾದಕರ ಸಹಕಾರ ಸಂಘ ಮತ್ತು ಮುರುಳ್ಯ ಎಣ್ಮೂರು ಸೊಸೈಟಿ ಜಂಟಿ ಅಶ್ರಯದಲ್ಲಿ ನಿಂತಿಕಲ್ಲಿನ ಸಹಕಾರ ಸಾಧನ ಸೌಧದಲ್ಲಿ ನ.5ರಂದು ನಡೆಯಿತು.
ಎಂ.ಬಿ.ಸೀತಾರಾಮ ಗೌಡರ ದೀಪ ಬೆಳಗಿಸಿ ನುಡಿನಮನ ಸಲ್ಲಿಸಿದರು.
ಪ್ರಭಾಕರ ರೈರವರು ಸ್ವಂತ ಸ್ಟುಡಿಯೋ ಹೊಂದಿದ್ದು, ಛಾಯಾ ಗ್ರಾಹಕರಾಗಿ, ಕಲಾಕಾರರಾಗಿ ಮೇಕಪ್ ಮಾಡುವುದಲ್ಲದೆ, ನಾಟಕ, ಯಕ್ಷಗಾನಗಳಲ್ಲೂ ಭಾಗವಹಿಸುತ್ತಿದ್ದರು. ಕೃಷಿ ಹಾಗೂ ಹೈನುಗಾರಿಕೆಯಲ್ಲೂ ತಮ್ಮನ್ನು ತೊಡಗಿಸಿಕೊಂಡಿದ್ದರು. ಸಮಾಜಕ್ಕೆ ಪರೋಪಕಾರಿಯಾಗಿದ್ದವರು ಪ್ರಭಾಕರ ರೈಯವರು ಎಂದು ವಸಂತ ನಡುಬೈಲು ಹೇಳಿದರು.
ಬಾಳಿಲ ಮಹಾಬಲ ರೈ ನುಡಿನಮನ ಸಲ್ಲಿಸಿ ಪುಷ್ಪರ್ಚನೆ ಗೈದರು.
ಈ ಸಂದರ್ಭದಲ್ಲಿ ಮುರುಳ್ಯ ಸೊಸೈಟಿ ಅಧ್ಯಕ್ಷೆ ಶ್ರೀಮತಿ ಕುಸುಮಾವತಿ ರೈ ಎಣ್ಮೂರು ಗುತ್ತು, ಮತ್ತು ನಿರ್ದೇಶಕರುಗಳು, ಸಿಬ್ಬಂದಿ ವರ್ಗ, ಹಾಲು ಸೊಸೈಟಿ ಕಾರ್ಯದರ್ಶಿ ಅಕ್ಷತಾ ಶರತ್ ಕುಮಾರ್, ನಿರ್ದೇಶಕರು, ಸಿಬ್ಬಂದಿ ವರ್ಗ, ಪ್ರಭಾಕರ್ ರೈ ಕುಟುಂಬ ಸದಸ್ಯರು, ನವೀನ್ ರೈ ಪಾಲ್ತಾಡ್, ಅಲ್ಲದೆ ಕಾರ್ಯಕ್ರಮ ನಿರ್ವಹಿಸಿದ ಕಾರ್ತಿಕ್ ರೈ, ಯೋಗಾನಂದ ಉಲ್ಲೇಲಾಡಿ ಹಾಗೂ ಅನೂಪು ಬಿಳಿಮಲೆ ಉಪಸ್ಥಿತರಿದ್ದರು.
