ಇಂದು ದೇವರ ಉತ್ಸವ ಬಲಿ, ನಾಳೆ ದೈವಗಳ ನೇಮೋತ್ಸವ
ಭಕ್ತರೋರ್ವರಿಂದ ದೇವಸ್ಥಾನಕ್ಕೆ ಹೂವಿನ ಅಲಂಕಾರದ ಸೇವೆ
ಶ್ರೀ ಶಂಖಪಾಲ ಸುಬ್ರಹ್ಮಣ್ಯ ದೇವಸ್ಥಾನ ವಳಲಂಬೆ ವಾರ್ಷಿಕ ಜಾತ್ರೋತ್ಸವ ಮತ್ತು ದೈವಗಳ ನೇಮೋತ್ಸವ ಫೆ.1 ಮತ್ತು ಫೆ..2 ರಂದು ನಡೆಯಲಿದ್ದು ಇಂದು ಇಂದು ರಾತ್ರಿ ದೇವರ ಬಲಿ ನಡೆಯಲಿದೆ. , ನಾಳೆ ದೈವಗಳ ನೇಮೋತ್ಸವ ನಡೆಯಲಿದೆ.
ಜಾತ್ರೋತ್ಸವ ಪ್ರಯುಕ್ತ ಗುತ್ತಿಗಾರಿನ ಯೋಗಿತ್ ದೇವಶ್ಯ ಎಂಬವರು ದೇವಸ್ಥಾನವನ್ನು ಹೂವಿನಿಂದ ಅಲಂಕರಿಸುವ ಸೇವೆ ಮಾಡಿಸಿದ್ದಾರೆ. ದೇವಸ್ಥಾನ, ದೈವಸ್ಥಾನ ಹೂವಿನ ಶೃಂಗಾರದಿಂದ ಕಂಗೊಲಿಸಿದೆ.
ಜಾತ್ರೋತ್ಸವ ಪ್ರಯುಕ ಇಂದು ಬೆಳಗ್ಗೆ ಹಸಿರುವಾಣಿ ಸಮರ್ಪಣೆ ನಡೆಯಿತು. ವಿವಿಧ ಕಡೆಯಿಂದ ಬಂದ ಹಸಿರುವಾಣಿಯನ್ನು ಮೆರವಣಿಗೆಯಲ್ಲಿ ಬಂದು ಸಮರ್ಪಿಸಲಾಯಿತು.
ಫೆ. 1ರ ಬೆಳಿಗ್ಗೆ ಗಣಪತಿ ಹೋಮ, ಮಧ್ಯಾಹ್ನ ನವ ಕಲಶಾಭಿಷೇಕ, ಮಹಾಪೂಜೆ ಮತ್ತು ಅನ್ನಸಂತರ್ಪಣೆ ನಡೆಯಿತು. ಸಂಜೆ ದೈವಗಳ ಭಂಡಾರ ತೆಗೆಯುವುದು ಮತ್ತು ಚೆಂಡೆವಾದನ ನಡೆಯಲಿದೆ. ರಾತ್ರಿ ಮಹಾಪೂಜೆ ನಡೆದು ದೇವರ ಉತ್ಸವ ಬಲಿ ಹೊರಡುವುದು ಬಳಿಕ ವಸಂತ ಕಟ್ಟೆ ಪೂಜೆ, ಬಟ್ಟಲು ಕಾಣಿಕೆ, ಪ್ರಸಾದ ವಿತರಣೆ ನಡೆಯಲಿದ್ದು ರಾತ್ರಿ ಅನ್ನಸಂತರ್ಪಣೆ ನಡೆಯಲಿದೆ.
ಫೆ.2. ಬೆಳಿಗ್ಗಿನ ಜಾವ 5.00ಕ್ಕೆ ಉಳ್ಳಾಕ್ಲು -ಉಳ್ಳಾಲ್ತಿ ನೇಮ ನಡೆದು ಕುಮಾರ ದೈವದ ನೇಮ ನಡೆಯಲಿದೆ. ಬೆಳಗ್ಗೆ ಗಂಟೆ 8-00 ಕ್ಕೆ ಶ್ರೀ ದೇವರಿಗೆ ಪೂಜೆ ಯ ಬಳಿಕ ರಕೇಶ್ವರಿ ದೈವದ ನೇಮ, ಧೂಮಾವತಿ ದೈವದ ನೇಮ ನಡೆಯಲಿದೆ. ಮಧ್ಯಾಹ್ನ ಮಹಾಪೂಜೆ, ದೈವಗಳ ಪ್ರಸಾದ ವಿತರಣೆ ಮತ್ತು ಅನ್ನಸಂತರ್ಪಣೆ ನಡೆದು ಸಂಜೆ ಗಂಟೆ 5-00 ಕ್ಕೆ ಗುಳಿಗ ಕೋಲ, ಪ್ರಸಾದ ವಿತರಣೆ ನಡೆಯಲಿದೆ.
