ಆಲೆಟ್ಟಿ ರಸ್ತೆಯಲ್ಲಿ ನಾಗಪಟ್ಟಣ ಕೆ.ಎಫ್‌.ಡಿ.ಸಿ ವಿಶ್ರಾಂತಿ ಗೃಹದ ಬಳಿ ರಸ್ತೆಯ ಬದಿಯಲ್ಲಿ ಮೃತಪಟ್ಟಿದ್ದ ದನವನ್ನು ಇಂದು ಆಲೆಟ್ಟಿ ಪಂಚಾಯತ್ ವತಿಯಿಂದ ದಫನ ಕಾರ್ಯ ಮಾಡಲಾಯಿತು.
ದನವೊಂದು ಸತ್ತು ಬಿದ್ದಿರುವ ವಿಷಯ ಪಂಚಾಯತ್ ನವರಿಗೆ ತಿಳಿದು ಜೆ.ಸಿ.ಬಿ ಯನ್ನು ಬರ ಮಾಡಿ ಪಕ್ಕದಲ್ಲೇ ಗುಂಡಿ ತೆಗೆಸಿ ದನದ ದೇಹಕ್ಕೆ ಬಿಳಿ ವಸ್ತ್ರ ಹೂವಿನ ಮಾಲೆ ಹಾಕಿ ಸಂಪ್ರದಾಯದಂತೆ ದಫನ ಕಾರ್ಯವನ್ನು ನೆರವೇರಿಸಿದರು.
ಈ ಸಂದರ್ಭದಲ್ಲಿ ಪಂಚಾಯತ್ ಅಧ್ಯಕ್ಷೆ ವೀಣಾವಸಂತ ಆಲೆಟ್ಟಿ, ಉಪಾಧ್ಯಕ್ಷೆ ಕಮಲಾ ನಾಗಪಟ್ಟಣ,ಸ್ಥಳೀಯ ರಾದ ಮಹೇಶ್ ಕೆ ಮೊರಂಗಲ್ಲು, ದೀಪಕ್ ಕುಡೆಕಲ್ಲು, ಲಿಖಿನ್ ನಾರ್ಕೋಡು, ಜಯಪ್ರಕಾಶ್ ಗುಂಡ್ಯ, ಭಾನುಪ್ರಕಾಶ್ ಕಲ್ಲೆಂಬಿ, ರವಿಕುಮಾರ್ ಬಾರ್ಪಣೆ, ಜೆ.ಸಿ.ಬಿ ಯ ಗೋಪಾಲ ರವರು ಸಹಕರಿಸಿದರು.
ದನ ಹೇಗೆ ಮೃತಪಟ್ಟಿದೆಯೆಂಬುದರ ಬಗ್ಗೆ ಖಚಿತ ಮಾಹಿತಿ ತಿಳಿದಿಲ್ಲ.
