ಬೆಳ್ಳಾರೆಯಲ್ಲಿ ಕಾಮಧೇನು ಕ್ರೆಡಿಟ್ ಸೌಹಾರ್ಧ ಸಹಕಾರಿ ನಿ. ಶುಭಾರಂಭ

ಸಹಕಾರಿ ಸಂಘ ಜ್ಯೋತಿಯಾಗಿ ಬೆಳಗಲಿ – ಮಲ್ಲಿಕಾರ್ಜುನ ಗುರೂಜಿ

ಸಮಾಜದ ಎಲ್ಲಾ ಜನರಿಗೆ ಪ್ರಯೋಜನವಾಗಲಿ – ಎಸ್.ಎನ್.ಮನ್ಮಥ

ಬೆಳ್ಳಾರೆ ಮುಖ್ಯ ರಸ್ತೆ ಕಾಮಧೇನು ಟವರ್ಸ್ ನಲ್ಲಿ ಕಾಮಧೇನು ಕ್ರೆಡಿಟ್ ಸೌಹಾರ್ಧ ಸಹಕಾರಿ ನಿ. ನ.18 ರಂದು ಶುಭಾರಂಭಗೊಂಡಿತು.
ಬೆಳಿಗ್ಗೆ ಗಣಹೋಮ ನಡೆಯಿತು.

ಬಳಿಕ
ಬೆಂಗಳೂರು ಸಿದ್ಧಿ ಸಮಾಧಿ ಯೋಗ ಕೇಂದ್ರದ ಮಲ್ಲಿಕಾರ್ಜುನ ಗುರೂಜಿ ದೀಪಬೆಳಗಿಸಿ ನೂತನ ಸಂಸ್ಥೆಯನ್ನು ಉದ್ಘಾಟಿಸಿ ಸಹಕಾರಿ ಸಂಘವು ಕೆಳಮಟ್ಟದ ಜನರನ್ನು ಮೇಲಕ್ಕೆತ್ತಲು ಸಹಕಾರಿಯಾಗುತ್ತದೆ.ಎಲ್ಲಾ ಜನರಿಗೆ ಇದರ ಪ್ರಯೋಜನ ಸಿಗಲಿ,ಸಂಘ ಜ್ಯೋತಿಯಾಗಿ ಬೆಳಗಲಿ ,ಪ್ರಜ್ವಲಿಸಲಿ ಎಂದು ಶುಭಹಾರೈಸಿದರು.
ಮುಖ್ಯ ಅತಿಥಿಗಳಾಗಿ ಡಿಸಿಸಿ ಬ್ಯಾಂಕಿನ ನಿರ್ದೇಶಕ ಎಸ್.ಎನ್.ಮನ್ಮಥ, ಪಂಬೆತ್ತಾಡಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಜಾಕೆ ಮಾಧವ ಗೌಡ,ಸುಳ್ಯ ಗೌಡರ ಯುವ ಸೇವಾ ಸಂಘದ ಅಧ್ಯಕ್ಷ ಪಿ.ಎಸ್.ಗಂಗಾಧರ್ ಉಪಸ್ಥಿತರಿದ್ದು ಶುಭಹಾರೈಸಿ ಮಾತನಾಡಿದರು.

ಮುರಳೀಧರ ಕೆಮ್ಮಾರ ಇವರಿಗೆ ಪ್ರಥಮ ಠೇವಣಿ ಪತ್ರ ಹಸ್ತಾಂತರಿಸಲಾಯಿತು.
ಈ ಸಂದರ್ಭದಲ್ಲಿ ಆಡಳಿತ ಮಂಡಳಿ ನಿರ್ದೇಶಕರಾದ ಎನ್.ಎಸ್.ವೆಂಕಪ್ಪ ಗೌಡ,ನವೀನ ಚಾತುಬಾಯಿ,ಐತ್ತಪ್ಪ ಗೌಡ ಕಾವಿನಮೂಲೆ,ಪ್ರಸನ್ನ ಮಡ್ತಿಲ,ಕೆ.ವೆಂಕಪ್ಪ ಗೌಡ ಕೆಯ್ಯೂರು,ಲೋಕೇಶ್ ತಂಟೆಪ್ಪಾಡಿ,ಶ್ರೀಮತಿ ನೀರಜಾಕ್ಷಿ, ಪಿ.ಮಹಾಲಿಂಗ ನಾಯ್ಕ,ಶ್ರೀಮತಿ ವಾರಿಜ ಹಾಗೂ ಸಿಇಒ ವಿಜಯ್ ,ಸಂತೋಷ್ ಜಾಕೆ, ಪದ್ಮನಾಭ ಬೀಡು, ಕೆ.ಪಿ.ಗಿರಿಧರ್,ತಿಮ್ಮಪ್ಪ ಫಾರೆಸ್ಟರ್, ಭರತ್ ಕೊಂಪುಳಿ, ವಿನ್ಯಾಸ್ ಕಾಮಧೇನು, ದೀಕ್ಷಿತ್ ಕಾಮಧೇನು ,ಹೊನ್ನಪ್ಪ ಬೆಳ್ಳಾರೆ ಹಾಗೂ ಇತರ ಗಣ್ಯರು ಉಪಸ್ಥಿತರಿದ್ದರು.

ಸಹಕಾರಿ ಸಂಘದ ಗೌರವಾಧ್ಯಕ್ಷ ಎಂ.ಮಾಧವ ಗೌಡ ಸ್ವಾಗತಿಸಿ,ಉಪಾಧ್ಯಕ್ಷ ಮಹಸಬಲ ಗೌಡ ಕಲ್ಲೋಣಿ ಕಾರ್ಯಕ್ರಮ ನಿರೂಪಿಸಿ,ಅಧ್ಯಕ್ಷ ಕೂಸಪ್ಪ ಗೌಡ ಮುಗುಪ್ಪು ವಂದಿಸಿದರು