ಕಾಡುಕೋಣವೆಂದು ತಿಳಿದು ಆಗಮಿಸಿದ ಅರಣ್ಯಾಧಿಕಾರಿಗಳು
ಸುಳ್ಯದ ಪರಿವಾರಕಾನದ ರಸ್ತೆ ಬದಿ ಕಾಡುಕೋಣ ಸತ್ತಿರುವುದೆಂದು ತಿಳಿದ ಸ್ಥಳೀಯರು ಅರಣ್ಯ ಇಲಾಖೆಗೆ ತಿಳಿಸಿದ ಮೇರೆಗೆ ಅವರು ಆಗಮಿಸಿ ಪರಿಶೀಲಿಸಿದಾಗ ದನದ ಕಳೆಬರವೆಂದು ತಿಳಿದು ಅದನ್ನು ದಫನ ಮಾಡಿದ ಘಟನೆ ನಡೆದಿದೆ.
ಪರಿವಾರಕಾನದ ರಸ್ತೆ ಬದಿ ಪೊದೆಯಲ್ಲಿ ಕಾಡುಕೋಣದಂತೆ ಹೋಳುವ ಕಳೆಬರವನ್ನು ಕಂಡು ಜನರು ಅರಣ್ಯ ಇಲಾಖೆಗೆ ತಿಳಿಸಿದರು. ಸ್ಥಳಕ್ಕೆ ಎ.ಸಿ.ಎಫ್.ಪ್ರವೀಣ್ ಶೆಟ್ಟಿ, ರೇಂಜರ್ ಎನ್.ಮಂಜುನಾಥ ಮತ್ತು ಸಿಬ್ಬಂದಿಗಳು ಆಗಮಿಸಿದರು. ಕಳೆಬರವನ್ನು ಪರಿಶೀಲಿಸಿದಾಗ ಅದು ದನವೆಂದು ತಿಳಿಯಿತು. ಬಳಿಕ ಜೆಸಿಬಿ ಮೂಲಕ ದನವನ್ನು ದಫನ ಮಾಡಲಾಯಿತೆಂದು ತಿಳಿದುಬಂದಿದೆ.
