ಸರಕಾರಿ ಪದವಿ ಪೂರ್ವ ಕಾಲೇಜು ಐವರ್ನಾಡು ಇಲ್ಲಿನ ಇಕೋ ಕ್ಲಬ್ ವತಿಯಿಂದ ಸ್ವಚ್ಚತಾ ಕಾರ್ಯ ನಡೆಸಲಾಯಿತು.
ಪಿಯುಸಿ ವಿದ್ಯಾರ್ಥಿಗಳು ಐವರ್ನಾಡು ಗ್ರಾಮ ಪಂಚಾಯತ್ ಗೆ ಒಳಪಟ್ಟ ಪ್ರಯಾಣಿಕರ ತಂಗುದಾಣದ ಪರಿಸರವನ್ನು ಶುಚಿತ್ವಗೊಳಿಸುವ ಕಾರ್ಯವನ್ನು ಮಾಡಿದರು.
ಬಸ್ಟ್ಯಾಂಡ್ ತುಂಬಾ ಅಶುಚಿತ್ವದಿಂದ ಕೂಡಿದ್ದು ವಿದ್ಯಾರ್ಥಿಗಳು ಮತ್ತು ಪ್ರಯಾಣಿಕರು ಬವಣೆ ಪಡೆಯುತ್ತಿರುವುದನ್ನು ಕಂಡು ವಿದ್ಯಾರ್ಥಿಗಳು ಹುಲ್ಲು ತೆಗೆದು, ಗಿಡಗಂಟಿಗಳನ್ನು ಕಡಿದು, ನೀರನ್ನು ಹಾಕಿ ತಂಗುದಾಣ ವನ್ನು ಶುಚಿಗೊಳಿಸಿದರು. ಕನ್ನಡ ಉಪನ್ಯಾಸಕರಾದ ಗೋಪಾಲಕೃಷ್ಣ ಕೌಕ್ರಾಡಿ ಮಾರ್ಗದರ್ಶದಲ್ಲಿ ವಿದ್ಯಾರ್ಥಿಗಳಾದ ರಚನ್, ಲುಕ್ತೇಶ್, ರೋಶನ್, ರಕ್ಷಿತ್, ಅಕ್ಷಯ್, ಚಂದ್ರಶೇಖರ್, ಹರ್ಷನ್ ಈ ವಿದ್ಯಾರ್ಥಿಗಳು ಜೊತೆಗೂಡಿ ಶ್ರಮಿಸಿದರು. ಇನ್ನುಳಿದ ಬಸ್ ತಂಗುದಾಣ ಗಳು ಇದೇ ಸ್ಥಿತಿಯಲ್ಲಿರುದರಿಂದ ಸ್ಥಳೀಯ ಗ್ರಾಮ ಪಂಚಾಯತ್ ಗಮನಹರಿಸಬೇಕಾಗಿದೆ.
