ಕ್ಯಾಂಪ್ಕೊ ಸಂಸ್ಥೆ ವತಿಯಿಂದ ಕೃಷಿ ವಿಜ್ಞಾನ ಉನ್ನತ ಶಿಕ್ಷಣಕ್ಕೆ ಸಹಾಯಧನ ಹಸ್ತಾಂತರ

ಕ್ಯಾಂಪ್ಕೊ ನಿಯಮಿತ ಮಂಗಳೂರು, ಸಂಸ್ಥೆಯಿಂದ ಸದಸ್ಯ ಬೆಳೆಗಾರರಿಗಾಗಿ ರೂಪಿಸಲಾದ ವಿವಿಧ ಸಹಾಯಧನ ಯೋಜನೆಗಳಡಿಯಲ್ಲಿ ಸಂಸ್ಥೆಯ ಸಕ್ರಿಯ ಸದಸ್ಯರ ಕುಟುಂಬದವರ ಕೃಷಿ ವಿಜ್ಞಾನಕ್ಕೆ ಸಂಬಂಧಿಸಿದ ಉನ್ನತ ಶಿಕ್ಷಣಕ್ಕಾಗಿ ನೀಡಲಾಗುವ ಒಂದು ಲಕ್ಷ ರೂಪಾಯಿ (₹ 1,00,000)ಮೊತ್ತದ ಸಹಾಯಧನದ ಮೊದಲನೇ ಕಂತಾದ ಐವತ್ತು ಸಾವಿರ ರೂಪಾಯಿ (₹ 50,000)ಯನ್ನು ಕ್ಯಾಂಪ್ಕೊ ಸಂಸ್ಥೆಯ ಕಡಬ ಶಾಖೆಯ ಸಕ್ರಿಯ ಸದಸ್ಯರಾದ ಜಯಚಂದ್ರ ರೈ ಅವರ ಪುತ್ರಿ ಕು.ಶ್ರೇಯಾ ಅವರ M.Sc(Hort.)Plantetion,Spices,Medicinal & Aromatic Crops ಶಿಕ್ಷಣಕ್ಕಾಗಿ ಸೆ.20ರಂದು ಕ್ಯಾಂಪ್ಕೊ ಕಡಬ ಶಾಖೆಯಲ್ಲಿ ಸಂಸ್ಥೆಯ ಗೌರವಾನ್ವಿತ ನಿರ್ದೇಶಕರಾದ ಕೃಷ್ಣಪ್ರಸಾದ್ ಮಡ್ತಿಲ ಅವರು ಜಯಚಂದ್ರ ರೈ ಅವರಿಗೆ ಹಸ್ತಾoತರಿಸಿದರು. ಈ ಸಂದರ್ಭದಲ್ಲಿ ಕ್ಯಾಂಪ್ಕೊ ಪುತ್ತೂರು ಪ್ರಾದೇಶಿಕ ಪ್ರಭಂಧಕರಾದ ಪ್ರಕಾಶ ಕುಮಾರ ಕೆ ಶೆಟ್ಟಿ, ಕ್ಯಾಂಪ್ಕೊ ಕಡಬ ಶಾಖಾ ಪ್ರಭಂದಕರಾದ ಮಹೇಶ ಕೆ.ಎನ್., ಸದಸ್ಯರು ಹಾಗು ಶಾಖಾ ಸಿಬ್ಬಂದಿಗಳು ಉಪಸ್ಥಿತರಿದ್ದರು.