ವರ್ಷಿಣಿ ಯೋಗ ಶಿಕ್ಷಣ ಮತ್ತು ಸಾಂಸ್ಕೃತಿಕ ಮತ್ತು ಕ್ರೀಡಾ ಟ್ರಸ್ಟ್(ರಿ) ಶಿವಮೊಗ್ಗ ಮತ್ತು ಯುವಜನ ಸೇವಾ ಮತ್ತು ಕ್ರೀಡಾ ಇಲಾಖೆ ಶಿವಮೊಗ್ಗ ಇದರ ಸಹಯೋಗದೊಂದಿಗೆ ಅ.27 ರಂದು ನಡೆದ ರಾಷ್ಟ್ರ ಮಟ್ಟದ ಯೋಗಾಸನ ಚಾಂಪಿಯನ್ ಶಿಪ್ ನಲ್ಲಿ 11 ರಿಂದ 13 ವರ್ಷದ ಬಾಲಕರ ವಿಭಾಗದಲ್ಲಿ ಪೂರ್ವಿತ್.ಐ.ಸಿ ಇವರು 5ನೇ ಸ್ಥಾನ ಪಡೆದು ಡಿ.24 ರಂದು ಥಾಯ್ಲೆಂಡ್ ನಲ್ಲಿ ನಡೆಯುವ ಅಂತರಾಷ್ಟ್ರೀಯ ಮಟ್ಟದ ಯೋಗ ಚಾಂಪಿಯನ್ ಶಿಪ್ ನಲ್ಲಿ ಭಾಗವಹಿಸಲು ಆಯ್ಕೆ ಆಗಿರುತ್ತಾರೆ.
ಇವರು ಚೇತನ್ ಇಟ್ಟಿಗುಂಡಿ ಹಾಗೂ ಉಮಾ ಬಲ್ಬೇರಿ ಇವರ ಪುತ್ರ. ಸ.ಉ.ಹಿ.ಪ್ರಾ.ಶಾಲೆ ಬಳ್ಪದ 6ನೇ ತರಗತಿಯ ವಿದ್ಯಾರ್ಥಿ. ನಿರಂತರ ಯೋಗ ಕೇಂದ್ರ ಪಂಜದಲ್ಲಿ ಯೋಗ ಶಿಕ್ಷಕ ಶರತ್ ಕುಮಾರ್ ಮರ್ಗಿಲಡ್ಕ ಇವರ ಬಳಿ ಯೋಗ ತರಬೇತಿ ಪಡೆಯುತ್ತಿದ್ದಾರೆ.
