ಶ್ರೀ ಕೃಷ್ಣ ಭಜನಾ ಮಂದಿರ ಸೋಣಂಗೇರಿ ಇದರ ಅಭಿವೃದ್ಧಿ ದೃಷ್ಟಿಯಿಂದ ಅ.6ರಂದು ನಡೆದ ಸಾರ್ವಜನಿಕ ಸಭೆಯ ನಿರ್ಣಯದಂತೆ ಅ.12ರಂದು ಅಡಳಿತ ಸಭೆಯನ್ನು ಕರೆದು ವಿಚಾರಗಳನ್ನು ಮಂಡಿಸಿ ನಿರ್ಣಯಿಸಿದ ನಿರ್ಣಯಗಳನ್ನು ಕಾರ್ಯರೂಪಕ್ಕೆ ತರುವ ಸಲುವಾಗಿ ಸರ್ವರ ಸಹಕಾರ ವ್ಯಕ್ತಪಡಿಸಿದ ಹಿನ್ನಲೆಯಲ್ಲಿ ಮುಂದಿನ ಅಭಿವೃದ್ಧಿ ಕೆಲಸ ಕಾರ್ಯಗಳನ್ನು ನಡೆಸಲು ನ.14 ಗುರುವಾರದಂದು ಶಿವಸುಬ್ರಹ್ಮಣ್ಯ ಜೋಯಿಸರ ಮಾರ್ಗದರ್ಶನದಲ್ಲಿ ಒಂದು ದಿನ ತಾಂಬೂಲ ಪ್ರಶ್ನಾ ಚಿಂತನಾ ಕಾರ್ಯಕ್ರಮ ನಡೆಯಲಿದೆ.
ಹಾಗಾಗಿ ಕಣಿಪಿಲ. ಖಂಡಿಗೆಮೂಲೆ, ಕುಂಟಿಕಾನ, ಗೋಂಟಡ್ಕ, ಸೋಣಂಗೇರಿ, ಶಾಂತಿನಗರ, ನಡುಬೆಟ್ಟು, ಕುಕ್ಕನ್ನೂರು, ಗೋಂಟಡ್ಕ, ಬಾಂಜಿಕೋಡಿ ಭಾಗದ ಎಲ್ಲ ನಾಗರೀಕರ ಸಮ್ಮುಖದಲ್ಲಿ ನಡೆಸಲು ಉದ್ದೇಶಿಸಿರುವ ಈ ತಾಂಬೂಲ ಪ್ರಶ್ನಾಚಿಂತನೆಯಲ್ಲಿ ಸರ್ವರೂ ಉಪಸ್ಥಿತರಿದ್ದು, ಮುಂದಿನ ದಿನಗಳಲ್ಲಿ ಭಜನಾ ಮಂದಿರದ ಎಲ್ಲಾ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವಂತೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
