ನೆಲ್ಲೂರು ಕೆಮ್ರಾಜೆ ಗ್ರಾಮದ ನಿವಾಸಿಯಾಗಿರುವ ನಿವೃತ್ತ ಉಪಪ್ರಾಂಶುಪಾಲ ಮಾಧವ ಗೌಡ ಗುಡ್ಡೆಮನೆಯವರು ಜ.13 ರಂದು ನಿಧನರಾಗಿದ್ದು ಅವರಿಗೆ ಶ್ರದ್ಧಾಂಜಲಿ ಮತ್ತು ವೈಕುಂಠ ಸಮಾರಾಧನೆಯು ಜ.28 ರಂದು ಗುಡ್ಡೆ ಮನೆಯಲ್ಲಿ ನಡೆಯಿತು.
ಶಿಕ್ಷಕ ಗೋಪಿನಾಥರವರು ದಿ.ಮಾಧವ ಗೌಡರವರ ಬಗ್ಗೆ ಮಾತನಾಡಿ ಉತ್ತಮ ಶಿಕ್ಷಕರಾಗಿ ಸಾವಿರಾರು ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡಿ ವಿದ್ಯಾರ್ಥಿಗಳ ಭವಿಷ್ಯಕ್ಕೆ ದಾರಿದೀಪವಾಗಿದ್ದಾರೆ.ಅಲ್ಲದೆ ಎಲ್ಲರೊಂದಿಗೆ ಬೆರೆಯುತ್ತಿದ್ದ ಇವರು ಸದಾ ಸಮಾಜಮುಖಿಯಾಗಿದ್ದರು ಎಂದು ಅವರ ಆದರ್ಶ ಗುಣಗಳ ಬಗ್ಗೆ ಗುಣಗಾನಗೈದು ನುಡಿನಮನ ಸಲ್ಲಿಸಿದರು.
ಆಗಮಿಸಿದ ನೂರಾರು ಜನ ಗಣ್ಯರು ದಿ.ಮಾದವ ಗೌಡರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸುದರು.
ಜಯಂತ ತಳೂರು ನಿರೂಪಿಸಿದರು.
ಈ ಸಂದರ್ಭದಲ್ಲಿ ಪತ್ನಿ ಶ್ರೀಮತಿ ಇಂದಿರಾ , ಪುತ್ರರಾದ ನೆಲ್ಲೂರು ಕೆಮ್ರಾಜೆ ಗ್ರಾಮ ಪಂಚಾಯತ್ ಉದ್ಯೋಗಿ ಅರುಣ ಕುಮಾರ್ ಗುಡ್ಡೆಮನೆ, ಉಪನ್ಯಾಸಕ ಕಿರಣ್ ಕುಮಾರ್ ಗುಡ್ಡೆಮನೆ, ಸೊಸೆಯಂದಿರು,ಸಹೋದರ ಜಯರಾಮ ಗುಡ್ಡೆಮನೆ, ಸಹೋದರಿಯರು, ಮೊಮ್ಮಕ್ಕಳು,ಕುಟುಂಬಸ್ಥರು, ಹಿತೈಷಿಗಳು ಉಪಸ್ಥಿತರಿದ್ದರು.
