ವಿಷ್ಣುಮೂರ್ತಿ, ಧರ್ಮದೈವ, ಪಾಷಾಣಮೂರ್ತಿ ಹಾಗೂ ಉಪ ದೈವಗಳ ಕಳಿಯಾಟ ಮಹೋತ್ಸವ
ಆಲೆಟ್ಟಿ ಗ್ರಾಮದ ನಾರ್ಕೋಡು ಕುಟುಂಬಸ್ಥರ ತರವಾಡು ದೈವಸ್ಥಾನದಲ್ಲಿ ಜ.27 ಮತ್ತು 28 ರಂದು ಶ್ರೀ ವೆಂಕಟರಮಣ ದೇವರ ಹರಿ ಸೇವೆಯು ಹಾಗೂ ಶ್ರೀ ವಿಷ್ಣುಮೂರ್ತಿ, ಧರ್ಮದೈವ ಮತ್ತು ಪಾಷಾಣಮೂರ್ತಿ ಹಾಗೂ ಉಪ ದೈವಗಳ ಕಳಿಯಾಟ ಮಹೋತ್ಸವ ವು ಜರುಗಿತು.
ಜ.27 ರಂದು ಪೂರ್ವಾಹ್ನ ಉಗ್ರಾಣ ತುಂಬುವ ಕಾರ್ಯಕ್ರಮ ನಡೆದ ಬಳಿಕ ನಾಗನಕಟ್ಟೆಯಲ್ಲಿ ನಾಗ ತಂಬಿಲ ಸೇವೆಯಾಗಿ ಬಳಿಕ ಶ್ರೀ ವೆಂಕಟರಮಣ ದೇವರ ಹರಿಸೇವೆಯಾಗಿ ಪ್ರಸಾದ ವಿತರಣೆ ಮತ್ತು ಅನ್ನ ಸಂತರ್ಪಣೆಯು ನಡೆಯಿತು.
ರಾತ್ರಿ ವಿಷ್ಣುಮೂರ್ತಿ ದೈವದ ಕುಲ್ಚಾಟವಾಗಿ, ಶ್ರೀ ಪೊಟ್ಟನ್ ದೈವ ಹಾಗೂ ಉಪ ದೈವಗಳಾದ ಗುರು ಕಾರ್ನೋರು, ದ್ಯಾವತೆ ದೈವಗಳ ಕೋಲವು ನಡೆಯಿತು.
ಮರುದಿನ ಬೆಳಗ್ಗೆ ಶ್ರೀ ರಕ್ತೇಶ್ವರಿ, ಶ್ರೀ ವರ್ಣಾರ ಪಂಜುರ್ಲಿ, ನಾಗಚಾಮುಂಡಿ ದೈವಗಳ ಕೋಲವಾಗಿ ಮಧ್ಯಾಹ್ನ ಶ್ರೀವಿಷ್ಣುಮೂರ್ತಿ , ಧರ್ಮದೈವ ಮತ್ತು ಪಾಷಾಣಮೂರ್ತಿ ದೈವಗಳ ಕಳಿಯಾಟ ಉತ್ಸವವು ಜರುಗಿತು. ಆಗಮಿಸಿದಎಲ್ಲಾಭಕ್ತಾದಿಗಳಿಗೆಮಧ್ಯಾಹ್ನಪ್ರಸಾದವಿತರಣೆಯಾಗಿಅನ್ನಸಂತರ್ಪಣೆಯಾಯಿತು.
ನಾರ್ಕೋಡು ಕುಟುಂಬದ ಯಜಮಾನರು ಹಾಗೂ ಕುಟುಂಬದ ಹಿರಿಯ, ಕಿರಿಯ ಸದಸ್ಯರು ಉಪಸ್ಥಿತರಿದ್ದರು.
