ಮರ್ಕಂಜ:ತಾಲೂಕು ಮೊಗೇರ ಯುವ ವೇದಿಕೆ ವತಿಯಿಂದ ಕೆಸರುಗದ್ದೆ ಕ್ರೀಡಾಕೂಟ -ಆಟಿ ಆಚರಣೆ

0

ಸುಳ್ಯ ತಾಲೂಕು ಮೊಗೇರ ಯುವ ವೇದಿಕೆ ನೇತೃತ್ವದಲ್ಲಿ ತಾಲೂಕು ಮೊಗೇರ ಸಂಘ ಹಾಗೂ ಮರ್ಕಂಜ ಗ್ರಾಮ ಮೊಗೇರ ಸಂಘದ ಸಹಕಾರದೊಂದಿಗೆ ಕೆಸರುಗದ್ದೆ ಕ್ರೀಡಾಕೂಟ ಹಾಗೂ ಆಟಿ ಆಚರಣೆ ಮರ್ಕಂಜದ ಪನ್ನೆ ಅಮ್ಮಣಿಯವರ ಗದ್ದೆಯಲ್ಲಿ ಆ. 14 ರಂದು ನಡೆಯಿತು.

p>

ಮರ್ಕಂಜದ ಅಂಗಡಿಮಜಲು ಪರಿವಾರ ಗುಳಿಗ ಸಾನಿಧ್ಯದ ಆಡಳಿತ ಸಮಿತಿ ಅಧ್ಯಕ್ಷ ಅಮೃತಕುಮಾರ್ ರೈ ಕ್ರೀಡಾಕೂಟವನ್ನು ಉದ್ಘಾಟಿಸಿದರು. ತಾಲೂಕು ಮೊಗೇರ ಸಂಘದ ಅಧ್ಯಕ್ಷ ಕರುಣಾಕರ ಪಲ್ಲತ್ತಡ್ಕ ಅಧ್ಯಕ್ಷತೆ ವಹಿಸಿದ್ದರು. ಮರ್ಕಂಜ ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ಗೋವಿಂದ ಅಳವುಪಾರೆ , ನಯನಕುಮಾರ್ ರೈ ಬಲ್ನಾಡುಪೇಟೆ , ಗದ್ದೆಯ ಮಾಲಕರಾದ ಅಮ್ಮಣಿ ಪನ್ನೆ , ರಾಜ್ಯ ಮೊಗೇರ ಸಂಘದ ಸಂಚಾಲಕರಾದ ನಂದರಾಜ್ ಸಂಕೇಶ , ತಾಲೂಕು ಮೊಗೇರ ಸಂಘದ ಪ್ರಧಾನ ಕಾರ್ಯದರ್ಶಿ ಬಾಳಪ್ಪ ಕಳಂಜ , ಮೊಗೇರ ಯುವ ವೇದಿಕೆ ಅಧ್ಯಕ್ಷ ಪ್ರಕಾಶ್ ಪಾತೆಟ್ಟಿ , ಸಂಚಾಲಕ ದೇವಪ್ಪ ಹೈದಂಗೂರು , ಮರ್ಕಂಜ ಆಶಾ ಕಾರ್ಯಕರ್ತೆ ಸವಿತಾ ಅಂಗಡಿಮಜಲು , ಮರ್ಕಂಜ ಗ್ರಾಮ ಸಮಿತಿ ಅಧ್ಯಕ್ಷ ಸೋಮನಾಥ ಮರ್ಕಂಜ ವೇದಿಕೆಯಲ್ಲಿದ್ದರು.

ಕಾರ್ಯಕ್ರಮದಲ್ಲಿ ಗದ್ದೆಯ ಮಾಲೀಕರಾದ ಅಮ್ಮಣ್ಣಿ ಪನ್ನೆ , ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರ ರವಿ ರಾಮಕುಂಜ ಇವರನ್ನು ಸನ್ಮಾನಿಸಲಾಯಿತು.
ಮಹೇಶ್ ಬಂಗ್ಲೆಗುಡ್ಡೆ ಹಾಗೂ ಪದ್ಮನಾಭ ಬಂಗೇರ ಕಾರ್ಯಕ್ರಮ ನಿರೂಪಿಸಿದರು. ಯುವ ವೇದಿಕೆ ಪದಾಧಿಕಾರಿಗಳು ಹಾಗೂ ಮರ್ಕಂಜ ಗ್ರಾಮ ಸಮಿತಿ ಪದಾಧಿಕಾರಿಗಳು ಸಹಕರಿಸಿದರು.

ಕೆಸರುಗದ್ದೆ ಕ್ರೀಡಾಕೂಟ ಪ್ರಯುಕ್ತ ಪುರುಷರಿಗೆ ವಾಲಿಬಾಲ್ , ಹಗ್ಗಜಗ್ಗಾಟ ಮಹಿಳೆಯರಿಗೆ ತ್ರೋಬಾಲ್ , ಹಗ್ಗಜಗ್ಗಾಟ ಹಾಗೂ ವಿವಿಧ ಸ್ಪರ್ಧೆಗಳು ನಡೆಯಿತು. ಆಟಿ ಆಚರಣೆ ಪ್ರಯುಕ್ತ ವಿಶೇಷ ಖಾಧ್ಯಗಳನ್ನು ಮರ್ಕಂಜ ಗ್ರಾಮ ಸಮಿತಿಯವರು ಮಾಡಿದ್ದರು. ಕಾರ್ಯಕ್ರಮದಲ್ಲಿ ನೂರಾರು ಜನರು ಭಾಗವಹಿಸಿದ್ದರು.

LEAVE A REPLY

Please enter your comment!
Please enter your name here