ಇಂದು ಶ್ರೀ ಆದಿ ಬೈದೆರುಗಳ ನೇಮೋತ್ಸವ
ಪಂಜ ಸೀಮೆಯ ಶ್ರೀ ಸದಾಶಿವ ಪರಿವಾರ ಪಂಚಲಿಂಗೇಶ್ವರ ದೇವಸ್ಥಾನದಲ್ಲಿ ಜನವರಿ ಮಾ.12 ರಂದು ಶ್ರೀ ದೇವರಿಗೆ ರಂಗಪೂಜೆ, ಬೀದಿ ನೇಮ ನಡೆಯಿತು . ಇಂದು ಮಾ.13 ರಂದು ಶ್ರೀ ಆದಿಬೈದೆರುಗಳ ನೇಮೋತ್ಸವ ನಡೆಯಲಿದೆ.
ಮಾ. 12.ರಂದು ರಾತ್ರಿ ಶ್ರೀ ದೇವರಿಗೆ ರಂಗಪೂಜೆ, ಬೀದಿನೇಮ, ಪ್ರಸಾದ ವಿತರಣೆ.ಅನ್ನಸಂತರ್ಪಣೆ ನಡೆಯಿತು .
ಪರಿವಾರ ದೈವಗಳಾದ ಕಾಚುಕುಜುಂಬ, ಉಳ್ಳಾಕುಲು, ಮಹಿಷಂತಾಯ, ವ್ಯಾಘ್ರ ಚಾಮುಂಡಿ, ಕುಪ್ಪೆ ಪಂಜುರ್ಲಿ, ವರ್ಣಾರ ಪಂಜುರ್ಲಿ, ಪುರುಷ ದೈವ, ಪೊಟ್ಟ ಭೂತ ಹಾಗೂ ಗುಳಿಗ ದೈವಗಳಿಗೆ ನರ್ತನ ಸೇವೆ ನಡೆಯಿತು. ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಡಾ.ದೇವಿಪ್ರಸಾದ್ ಕಾನತ್ತೂರ್ , ವ್ಯವಸ್ಥಾಪನಾ ಸಮಿತಿ ಸದಸ್ಯರು, ಸೀಮೆಯ ಭಕ್ತಾದಿಗಳು ಪಾಲ್ಗೊಂಡಿದ್ದರು.
ಮಾ.13 ರಂದು ರಾತ್ರಿ ಗಂಟೆ 10ರಿಂದ ಶ್ರೀ ಆದಿ ಬೈದೆರ್ಕಳ ನೇಮೋತ್ಸವ, ಅನ್ನಸಂತರ್ಪಣೆ ನಡೆಯಲಿದೆ.
