ಜಯನಗರ ಜನತ್ತುಲ್ ಉಲೂಂ ಮಸ್ಜಿದ್ ಅಂಡ್ ಮದರಸಾ ವತಿಯಿಂದ ಸಂಭ್ರಮದ ಈದ್ ಮಿಲಾದ್ ಆಚರಣೆ ಇಂದು ನಡೆಯಿತು.
ಸ್ಥಳೀಯ ಮದರಸ ಮುಖ್ಯ ಶಿಕ್ಷಕರು ಶಫೀಕ್ ಸಖಾಫಿ ದುವಾ ನೆರವೇರಿಸಿ ಪ್ರವಾದಿ ಸಂದೇಶದ ಬಗ್ಗೆ ಮಾತನಾಡಿ ಈದ್ ಮಿಲಾದ್ ಆಚರಣೆಯ ಮಹತ್ವವನ್ನು ತಿಳಿಸಿದರು.
ಸ್ಥಳೀಯ ಸಮಿತಿ ಅಧ್ಯಕ್ಷ ಮಹಮ್ಮದ್ ಮುಟ್ಟೆತ್ತೋಡಿ, ಸಯ್ಯದ್ ಜೈನುಲ್ ಆಬಿದೀನ್, ತಂಗಳ್ ಜಯನಗರ ಧ್ವಜಾರೋಹಣವನ್ನು ನೆರವೇರಿಸಿದರು.
ಬಳಿಕ ಮದರಸಾ ವಿದ್ಯಾರ್ಥಿಗಳು ಮತ್ತು ಸ್ಥಳೀಯರಿಂದ ಆಕರ್ಷಕ ರ್ಯಾಲಿ ಮೊಗರ್ಪಣೆ ಮಸೀದಿ ವರೆಗೆ ನಡೆಯಿತು.
ರ್ಯಾಲಿ ನಡೆಯುವ ಸಂದರ್ಭದಲ್ಲಿ ಸ್ಥಳೀಯರು ರ್‍ಯಾಲಿಯಲ್ಲಿ ಭಾಗವಹಿಸಿದ್ದ ವಿದ್ಯಾರ್ಥಿಗಳಿಗೆ ಮತ್ತು ಸ್ಥಳೀಯ ನಿವಾಸಿಗಳಿಗೆ ಸಿಹಿ ತಿಂಡಿ ಮತ್ತು ತಂಪು ಪಾನೀಯಗಳನ್ನು ವಿತರಿಸಿದರು.
