ಬೆಳ್ಳಾರೆಯ ಗೌರಿಪುರಂ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದ ನಾಗ ಸನ್ನಿಧಿಯಲ್ಲಿ ನಾಗರ ಪಂಚಮಿ ಕಾರ್ಯಕ್ರಮ ಆ. 9ರಂದು ನಡೆಯಿತು.
ಸನ್ನಿಧಿಯಲ್ಲಿ ಅಷ್ಟಕುಲ ಶ್ರೀ ನಾಗಬ್ರಹ್ಮ ನಾಗರಾಜ, ವೀಣಾಪಾಣಿನಾಗಕನ್ನಿಕೆರ ನೆಲೆ ಇದ್ದು, ಶ್ರೀ ಕ್ಷೇತ್ರದ ತಂತ್ರಿಗಳಾದ ಬ್ರಹ್ಮಶ್ರೀ ಮುರಳೀಧರ ನಂಬೂದರಿ ಕುನ್ನತ್ತಿಲ್ ರವರ ನೇತೃತ್ವದಲ್ಲಿ ಪೂಜಾ ಕಾರ್ಯಗಳು ನಡೆಯಿತು.
ದೇವಸ್ಥಾನದ ಆಡಳಿತ ಸಮಿತಿ ಮತ್ತು ಜೀರ್ಣೋದ್ಧಾರ ಸಮಿತಿ ಪದಾಧಿಕಾರಿಗಳು, ಸದಸ್ಯರು, ಭಕ್ತಾದಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
