ಮುಕ್ತಿಧಾಮಕ್ಕೆ ವಿದ್ಯುತ್ ಸಂಪರ್ಕ ಸುಸ್ಥಿತಿಗೆ
ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಗೆ ಒಳಪಟ್ಟ ಇಂಜಾಡಿ ಬಳಿ ಇರುವ ಮುಕ್ತಿಧಾಮದಲ್ಲಿ ವಿದ್ಯುತ್ ಬೆಳಕಿಲ್ಲದೆ ಶವ ಸಂಸ್ಕಾರ ನಡೆಸಿದ ಘಟನೆ ಬಗ್ಗೆ ಮಾದ್ಯಮ ವರದಿ ಪ್ರಕಟಿಸಿದ ಬಳಿಕ ಮುಕ್ತಿಧಾಮಕ್ಕೆ ವಿದ್ಯುತ್ ವ್ಯವಸ್ಥೆ ಮಾಡಿದ ಘಟನೆ ಆ.9 ರಂದು ವರದಿಯಾಗಿದೆ.
ಮುಕ್ತಿಧಾಮಕ್ಕೆ ವಿದ್ಯುತ್ ಸಂಪರ್ಕ ಇಲ್ಲದೆ ವಾಹನದ ಬೆಳಕಿನಲ್ಲಿ ಐನೆಕಿದು ವಿನ ವ್ಯಕ್ತಿಯೊಬ್ಬರ ಮೃತ ದೇಹದ ಶವಸಂಸ್ಕಾರ ಮಾಡಿದ ಘಟನೆ ಆ.8 ರಂದು ನಡೆದಿತ್ತು. ಅಲ್ಲದೆ ಇತ್ತೀಚೆಗೆ ರಿಕ್ಷಾ ಚಾಲರಕರೊಬ್ಬರ ಶವ ಸಂಸ್ಕಾರಕ್ಕೂ ಇದೇ ಪರಿಸ್ಥಿತಿ ಬಂದಿತ್ತು. ಈ ಬಗ್ಗೆ ಮಾದ್ಯವ ವರದಿ ಪ್ರಕಟಿಸಲಾಗಿತ್ತು. ಅಲ್ಲದೆ ಈ ಬಗ್ಗೆ ಊರಿನ ನಾಗರಿಕರು ಬಹಳ ಆಕ್ರೋಶ ವ್ಯಕ್ತ ಪಡಿಸಿದ್ದರು. ಇದೀಗ ವಿದ್ಯುತ್ ಅವ್ಯವಸ್ಥೆ ಬಗ್ಗೆ ಮಾಡಿದ ವರದಿಗೆ ಪಂಚಾಯತ್ ತಕ್ಣಣ ಸ್ಪಂದಿಸಿದ್ದು ಕಡಿತಗೊಂಡಿದ್ದ ವಿದ್ಯುತ್ ಸಂಪರ್ಕವನ್ನು ಸರಿಪಡಿಸಿರುವುದಾಗಿ ತಿಳಿದು ಬಂದಿದೆ.
