ಸುಳ್ಯದ ಖ್ಯಾತ ಜ್ಯೋತಿಷಿ,ಗಾಯಕ ಎಚ್ ಭೀಮರಾವ್ ವಾಷ್ಠರ್ ಅವರಿಗೆ ಬೆಂಗಳೂರಲ್ಲಿ ನಡೆದ ರಾಷ್ಟ್ರ ಮಟ್ಟದ ಸ್ವರ ಸಂಭ್ರಮ ಸಂಗೀತ ಸಮಾರಂಭದಲ್ಲಿ ಗೌರವ ಪುರಸ್ಕಾರ ನೀಡಿ ಗೌರವಿಸಿದ್ದಾರೆ. ಭೀಮರಾವ್ ವಾಷ್ಠರ್ ಅವರು ಶ್ರೀ ಸಿದ್ಧಲಿಂಗೇಶ ಎದ್ದು ಬಾ ಅನ್ನುವ ಭಕ್ತಿಗೀತೆ ಮತ್ತು ಮೂಕನಾಗಬೇಕು ಜಗದೊಳು ಅನ್ನುವ ತತ್ವಪದ ಹಾಡಿ ಸಂಗೀತ ಆಸಕ್ತರ ಮನ ಗೆದ್ದರು. ಸಮಾರಂಭದಲ್ಲಿ ಸಿನಿಮಾ ನಟಿ ವಿಜಯಲಕ್ಷ್ಮಿ, ಕ್ಕಾಮಿಡಿ ಖಿಲಾಡಿ ಹಾಸ್ಯ ಕಲಾವಿದ ಚಂದ್ರಪ್ರಭಾ, ಖ್ಯಾತ ಗಾಯಕಿಯರಾದ ದಿವ್ಯಾ, ಮಂಜುಳಾ, ವರ್ಧನ್ ಬಾಲು, ಆನಂದ ತುಮಡ್ಕೂರು, ರಮ್ಯಾ ಮತ್ತು ಚಿತ್ರ ನಿರ್ದೇಶಕ ನಟ ಆಸ್ಕರ್ ಕೃಷ್ಣ ಇನ್ನಿತರರು ಉಪಸ್ಥಿತರಿದ್ದರು.
