ಬೆಂಗಳೂರಿನ ಪ್ರತಿಷ್ಟಿತ ಪಿ. ಇ. ಎಸ್. ಯುನಿವರ್ಸಿಟಿಯ ಪ್ರದರ್ಶನ ಕಲೆಗಳ ವಿಭಾಗದಲ್ಲಿ ಮನಃಶಾಸ್ತ್ರದ ಪ್ರಾಧ್ಯಾಪಕರಾಗಿ ಸುಳ್ಯದ ಅಕ್ಷರ ದಾಮ್ಲೆ ನೇಮಕ ಗೊಂಡಿದ್ದಾರೆ. ’ಮನೋಸಂವಾದ’ ಸಂಸ್ಥೆಯ ಸ್ಥಾಪಕರಾಗಿರುವ ಅಕ್ಷರ ದಾಮಲೆಯವರು ಬೆಂಗಳೂರಿನ ವಿವಿಧ ಕಾಲೇಜುಗಳ ವಿಚಾರ ಸಂಕಿರಣಗಳಲ್ಲಿ ಉಪನ್ಯಾಸ ನೀಡಿ ಪ್ರಸಿದ್ಧರಾಗಿದ್ದಾರೆ. ಕೋವಿಡ್ ನಿಯಂತ್ರಣದ ವೈದ್ಯಕೀಯ ಸಿಬ್ಬಂದಿಗಳಿಗೆ ಕೌನ್ಸೆಲಿಂಗ್ ಮಾಡಿ ಕೊರೊನಾ ವಾರಿಯರ್ ಪ್ರಶಸ್ತಿಯನ್ನು ಪಡೆದಿದ್ದಾರೆ.
ಸ್ವಯಂ ಸೇವಾ ಸಂಸ್ಥೆಗಳೊಂದಿಗೆ ಸೇರಿ ಬೆಂಗಳೂರಿನ ಕೊಳೆಗೇರಿಗಳಲ್ಲಿರುವವರಿಗೆ ಉಚಿತ ಮಾನಸಿಕ ಚಿಕಿತ್ಸೆ ನೀಡಿದ್ದಾರೆ. ಪ್ರಸ್ತುತ ಬೆಂಗಳೂರಿನ ರೋಟರಿ ಇ ಕ್ಲಬ್ ಆಫ್ ರೋಟರಿ ಬೆಂಗಳೂರು ಗ್ರೀನ್ ಸಿಟಿ ಯ ಅಧ್ಯಕ್ಷರಾಗಿದ್ದಾರೆ.
