ಪಂಜ ಸರಕಾರಿ ಪದವಿಪೂರ್ವ ಕಾಲೇಜಿನ 2012-13ನೇ ಸಾಲಿನ ಬ್ಯಾಚ್ ನ ವಿದ್ಯಾರ್ಥಿಗಳಿಂದ ಆಯೋಜನೆ
ಸರಕಾರಿ ಪದವಿಪೂರ್ವ ಕಾಲೇಜು ಪಂಜ 2012-13ನೇ ಸಾಲಿನ ಪಿಯುಸಿಯ ಹಿರಿಯ ವಿದ್ಯಾರ್ಥಿಗಳು ಪ್ರತಿ ವರ್ಷ ಹಮ್ಮಿಕೊಳ್ಳುತ್ತಿರುವ ಸ್ನೇಹ ಸಮ್ಮಿಲನ ಕಾರ್ಯಕ್ರಮ ವನಸುಮ ವನವಾಸಿ ವಿದ್ಯಾರ್ಥಿ ನಿಲಯ ಅಡ್ಕಾರಿನಲ್ಲಿ ಅ. 27 ರಂದು ನಡೆಯಿತು.
ಸಂಸ್ಥೆಯ ಆಡಳಿತ ಮಂಡಳಿಯ ಅಧ್ಯಕ್ಷ ಚಂದ್ರಶೇಖರ್, ಆಡಳಿತ ಮಂಡಳಿಯ ಪದಾಧಿಕಾರಿ ಶ್ರೀಮತಿ ಶ್ರೀದೇವಿ ನಾಗರಾಜ್ ಭಟ್, ಅಡ್ಕಾರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಆಡಳಿತ ಮೊಕ್ತೇಸರ ಗುರುರಾಜ್ ಭಟ್, ಡಾ.ಮನೋಜ್, ದಾನಿಗಳಾದ ಸತ್ಯನಾರಾಯಣ ಭಟ್, ವ್ಯವಸ್ಥಾಪಕಿ ಶ್ರೀಮತಿ ವೀರಮ್ಮ, ಕೈಲಾಸ್, ಸ್ನೇಹ ಸಮ್ಮಿಲನ ತಂಡದ ಸುಮಂತ್ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸೀಮಾ ಸ್ವಾಗತಿಸಿ, ಪ್ರವೀಣ್ ವಂದಿಸಿದರು. ಹೇಮಲತಾ ಕಾರ್ಯಕ್ರಮ ನಿರೂಪಿಸಿದರು.
ಮಕ್ಕಳ ಸಾಂಸ್ಕೃತಿಕ ಕಾರ್ಯಕ್ರಮಗಳು ಮತ್ತು ಆಟೋಟ ಸ್ಪರ್ಧೆಗಳನ್ನು ನಡೆಸಲಾಯಿತು. ಜುಸೈನ ಸಹಕರಿಸಿದರು.
ಸ್ನೇಹ ಸಮ್ಮಿಲನ ತಂಡ ಪಂಜ ಇದರ ಸದಸ್ಯರಾದ ಲತೀಶ್, ರಾಜೇಶ್, ನೇಮಿರಾಜ್, ಪ್ರಶಾಂತ, ರಕ್ಷಿತ್ , ನವೀನ್,ದಿವ್ಯಾ,ಪವಿತ್ರ , ಗೀತಾಂಜಲಿ,ಪವಿತ್ರ,ಅನಿತಾ,
ಸುರಯ್ಯ,ರಮ್ಯಾ,ಮೂಕಾಂಬಿಕ, ಉಪಸ್ಥಿತರಿದ್ದರು.
