ಸುಳ್ಯ ಸರಕಾರಿ ನೌಕರರ ಸಂಘದ ಚುನಾವಣೆ

ಶಿಕ್ಷಕರಲ್ಲಿ ಕುಶಾಲಪ್ಪ ಪಿ., ಕುಶಾಲಪ್ಪ ಟಿ., ಗೋಪಾಲಕೃಷ್ಣ ಬನ, ಜಲಜಾಕ್ಷಿಯವರಿಗೆ ಗೆಲುವು

ಬಿ‌.ಇ.ಒ. ಕಚೇರಿಯಲ್ಲಿ ಶಿವಪ್ರಸಾದ್ ಕೆ.ವಿ.ಯವರಿಗೆ ಗೆಲುವು

ಸುಳ್ಯ ಸರಕಾರಿ ನೌಕರರ ಸಂಘದ ಶಿಕ್ಷಕರ ಕ್ಷೇತ್ರದ ನಿರ್ದೇಶಕ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಶಿಕ್ಷಕರಾದ ಕುಶಾಲಪ್ಪ ತುಂಬತ್ತಾಜೆ ( 144), ಕುಶಾಲಪ್ಪ ಪಾರೆಪ್ಪಾಡಿ (142) ಜಲಜಾಕ್ಷಿ‌ ಕೆ.ಡಿ. (129), ಗೋಪಾಲಕೃಷ್ಣ ಬನ (128) ಮತ ಪಡೆದು ಗೆಲುವು ಸಾಧಿಸಿದರೆ, ಚಂದ್ರಶೇಖರ ಪಿ ಯವರು 95 ಮತ ಪಡೆದು ಪರಾಭವಗೊಂಡರು.
ಇಲ್ಲಿ 197 ಮತದಾರರಲ್ಲಿ 177 ಮಂದಿ‌ಮತ ಚಲಾಯಿಸಿದರು.

ಬಿ.ಇ.ಒ. ಕಚೇರಿ ಸಿಬ್ಬಂದಿಗಳಿಗ ನಿರ್ದೇಶಕ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಬಿ.ಇ.ಒ ಕಚೇರಿಯ ಶಿವಪ್ರಸಾದ್ ಕೆ.ವಿ. 12 ಮತ ಪಡೆದು ಗೆಲುವು ಸಾಧಿಸಿದರು.

ಪೃಥ್ವಿ ಕುಮಾರ್ 10 ಮತ ಪಡೆದು ಪರಾಭವಗೊಂಡರು. ಇಲ್ಲಿ ಒಟ್ಟು 22 ಮತಗಳು ಇದ್ದು ಎಲ್ಲವೂ ಚಲಾವಣೆಗೊಂಡಿದ್ದವು.

ಬೆಳಗ್ಗೆ 9 ಗಂಟೆಯಿಂದ ಸಂಜೆ 4 ರ ತನಕ ಎ.ಪಿ.ಎಂ.ಸಿ. ಸಭಾಂಗಣದಲ್ಲಿ ಮತದಾನ ನಡೆಯಿತು.

ಚುನಾವಣಾಧಿಕಾರಿಯಾಗಿ‌ ನಿವೃತ್ತ ಶಿಕ್ಷಕ ಅಚ್ಯುತ ಪಿ ಹಾಗೂ ಸಹಾಯಕ ಚುನಾವಣಾಧಿಕಾರಿಯಾಗಿ ಶ್ರೀಮತಿ ಮಮತಾ ಚುನಾವಣಾ ಪ್ರಕ್ರಿಯೆ ನಡೆಸಿದರು.