ಮಾಪಳಡ್ಕ ಮಖಾಂ ಉರೂಸ್ ಕಾರ್ಯಕ್ರಮಕ್ಕೆ ಚಾಲನೆ

ಇಂದು ಉರೂಸ್ ಸಮಾರೋಪ ಹಾಗೂ ಸನದುದಾನ ಸಮ್ಮೇಳನ

ಸಯ್ಯದ್ ಕಡಲುಂಡಿ ತಂಙಳ್ ಅಗಮನ

ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ತಾಲೂಕು ಜಾಲ್ಸೂರು ಸಮೀಪ ಮಾಪಳಡ್ಕ ಮಖಾಂ ಶರೀಫ್ ನಲ್ಲಿ ಅಂತ್ಯ ವಿಶ್ರಾಂತಿ ಪಡೆಯುತ್ತಿರುವ ಮಹಾತ್ಮರುಗಳ ಸ್ಮರಣಾರ್ಥ ವರ್ಷಂಪ್ರತೀ ನಡೆಸಿಕೊಂಡು ಬರುತ್ತಿರುವ ಮಾಪಳಡ್ಕ ಮಖಾಂ ಉರೂಸ್ ಹಾಗೂ ಮಾಪಳಡ್ಕ ದರ್ಸಿನಲ್ಲಿ ಕುರ್-ಆನ್ ಕಂಠಪಾಠ ಪೂರ್ಣಗೊಳಿಸಿದ ವಿದ್ಯಾರ್ಥಿಗಳಿಗೆ ಹಾಫಿಝ್ ಪದವಿ ಪ್ರದಾನ ಸಮ್ಮೇಳನವು ಜನವರಿ 4,5,6 ದಿನಾಂಕಗಳಲ್ಲಿ ವೈವಿಧ್ಯ ಕಾರ್ಯಕ್ರಮಗಳೊಂದಿಗೆ ನಡೆಯಲಿದ್ದು

ಜನವರಿ 4 ರಂದು ಉರೂಸ್ ಕಾರ್ಯಕ್ರಮಕ್ಕೆ ಸಯ್ಯದ್ ಪೂಕುಂಞಿ ತಂಙಳ್ ಚಾಲನೆ ನೀಡಿ ಉದ್ಘಾಟಿಸಿದರು.
ಇರವಂಬಳ್ಳ ಬದ್ರಿಯಾ ಜಮಾಅತ್ ಕಮಿಟಿಯ ಗೌರವಾಧ್ಯಕ್ಷ ಸಂಕೇಶ್ ಇಬ್ರಾಹೀಂ ಹಾಜಿಯವರ ಅಧ್ಯಕ್ಷತೆ ವಹಿಸಿದರು.

ಮಾಪಳಡ್ಕ ದರ್ಗಾ ಮುದರಿಸ್ ಹಾಫಿಳ್ ಅಬ್ದುಲ್‌ ಸಲಾಂ ನಿಝಾಮಿ, ಇರುವಂಬಳ್ಳ ಜಮಾಯತ್ ಕಮಿಟಿ ಕಾರ್ಯದರ್ಶಿ ಟಿ ಹೆಚ್ ಮಹಮ್ಮದ್ ಕುಂಞಿ,ಕೋಶಾಧಿಕಾರಿ ಐ ಹೆಚ್ ಹಸೈನಾರ್ ಉಪಸ್ಥಿತರಿದ್ದರು.
ಅಡ್ಕ ಖಿಳರ್ ಜುಮ್ಮಾ ಮಸೀದಿ ಸದರ್ ಮಹಲ್ಲಿಂ ಮಹಮ್ಮದ್ ಆಲಿ ಮುಸ್ಲಿಯಾರ್ ಸ್ವಾಗತಿಸಿದರು.

ಬಹು ಅಬ್ದುಲ್ ಜಬ್ಬಾರ್ ಸಖಾಫಿ ಪಾತೂರು ಮುಖ್ಯ ಪ್ರಭಾಷಣ ಮಾಡಿದರು.

ಜನವರಿ 5 ಆದಿತ್ಯವಾರ ರಾತ್ರಿ 7 ಗಂಟೆಗೆ ದಿಕ್ರ್ ದುಆ ಸಂಗಮ ನಡೆಯಿತು. ಅಸ್ಸಯ್ಯಿದ್ ಎನ್. ಪಿ. ಯಂ. ಝೈನುಲ್ ಆಬಿದೀನ್ ತಂಙಳ್ ದುಗ್ಗಲಡ್ಕ ಪ್ರಾರ್ಥನೆಗೆ ನೇತ್ರತ್ವ ವಹಿಸಿದರು.

ಇರುವಂಬಳ್ಳ ಬದ್ರಿಯಾ ಜಮಾಅತ್ ಕಮಿಟಿಯ ಉಪಾಧ್ಯಕ್ಷ ಹಸೈನಾರ್ ದರ್ಮತನ್ನಿ ಯವರ ಅಧ್ಯಕ್ಷತೆ ವಹಿಸಿದರು ಮುನೀರ್ ಹುದವಿ ವಿಳಯಿಲ್ ಮುಖ್ಯ ಭಾಷಣ ನಡೆಸಿ ಕೊಟ್ಟರು.
ಬಿಜೆಎಂ ಖತೀಬರಾದ ಅಶ್ರಫ್ ನಹಿಮಿ ಸ್ವಾಗತಿಸಿದರು.
ಯುವ ಉದ್ಯಮಿ ಕೊಡುಗೈ ದಾನಿ ಜನಾಬ್ ಅಬ್ದುಲ್ ರಹ್ ಮಾನ್ ಸಂಕೇಶ್ ಮೊದಲಾದವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಸಮಾರೋಪ ಸಮಾರಂಭ
ಸಯ್ಯದ್ ಕಡಲುಂಡಿ ತಂಙಳ್ ಅಗಮನ

ಜನವರಿ 6 ಸೋಮವಾರ ರಾತ್ರಿ 8 ಗಂಟೆಗೆ ಉರೂಸ್ ಸಮಾರೋಪ ಸಮಾರಂಭ ಹಾಗೂ ಹಾಫಿಝ್ ಬಿರುದು ದಾನ ಸಮ್ಮೇಳನ
ನಡೆಯಲಿದೆ.

ಬದ್ರುಸ್ಸಾದಾತ್ ಸಯ್ಯಿದ್ ಇಬ್ರಾಹೀಂ ಖಲೀಲುಲ್ ಬುಖಾರಿ ಕಡಲುಂಡಿ ತಂಙಳ್ ಸಮಾರೋಪ ಸಮಾರಂಭದ ದುವಾಶಿರ್ವಚನ ನೀಡಿ ಹಾಫಿಝ್ ಕಲಿತ ವಿದ್ಯಾರ್ಥಿಗಳಿಗೆ ಸನದುದಾನ ಮಾಡಲಿದ್ದಾರೆ.

ಜಮಾಅತ್ ಕಮಿಟಿ ಅಧ್ಯಕ್ಷ ಎ.ಬಿ ಅಶ್ರಫ್ ಸಅದಿಯವರ ಅಧ್ಯಕ್ಷತೆ ವಹಿಸಲಿದ್ದಾರೆ.

ಇಬ್ರಾಹೀಂ ಸಖಾಫಿ ತಾತೂರು ಮುಖ್ಯ ಪ್ರಭಾಷಣ ಮಾಡಲಿದ್ದಾರೆ.

ಉರೂಸ್ ಮೌಲಿದ್ ಪಾರಾಯಣ, ಬುರ್ದಾ ಮಜ್ಲಿಸ್, ಖತಮುಲ್ ಕುರ್- ಆನ್ ಸಂಗಮ, ದಿಕ್ರ ದುಆ ಸಂಗಮ, ಮತ ಪ್ರವಚನ, ಹಾಫಿಝ್ ಬಿರುದು ದಾನ ಕಾರ್ಯಕ್ರಮ ನಡೆಯಲಿದೆ. ಉರೂಸ್ ನ ಎಲ್ಲಾ ದಿನಗಳಲ್ಲಿ ಅನ್ನದಾನ,ಹಾಗೂ ಉರೂಸ್ ಸಮಾರೋಪದಲಲ್ಲಿ ಸಾಮೂಹಿಕ ಪ್ರಾರ್ಥನೆಯ ನಂತರ ತಬರ್ರುಕ್ ವಿತರಣೆ ನಡೆಯಲಿದೆ.