ಸಯ್ಯಿದ್, ಉಲಮಾ ನೇತಾರರ ಸಮ್ಮುಖದಲ್ಲಿ ನಡೆಯಿತು ಸಾಮೂಹಿಕ ವಿವಾಹ ಕಾರ್ಯಕ್ರಮ
ಪೈಂಬೆಚ್ಚಾಲು ಅಜ್ಮೀರ್ ಮೌಲಿದ್ ಸಮಿತಿ ವತಿಯಿಂದ ವಾರ್ಷಿಕ ಅಜ್ಮೀರ್ ಮೌಲಿದ್ ಇದರ ದಶಮಾನೋತ್ಸವ ಅಂಗವಾಗಿ ಜನವರಿ 2 ರಿಂದ ಜನವರಿ 12 ರವರೆಗೆ ಹತ್ತು ದಿನಗಳ ವಿಶಿಷ್ಟ ಕಾರ್ಯಕ್ರಮಗಳು ಮತ್ತು ಬಡ ಯತಿಂ ಹೆಣ್ಣು ಮಕ್ಕಳ ಸಾಮೂಹಿಕ ವಿವಾಹ ಕಾರ್ಯಕ್ರಮ ಪೈಂಬೆಚ್ಚಾಲು ಬದ್ರಿಯಾ ಜುಮಾ ಮಸ್ಜಿದ್ ವಠಾರದಲ್ಲಿ ನಡೆಯಿತು.
ಅಲ್ ಹಾಜ್ ಮಹಮ್ಮದ್ ಅಲಿ ಮದನಿ ಕೊಝಿಕ್ಕೊಡು ರವರ ನೇತೃತ್ವದಲ್ಲಿ ಪಾಂಡಿ ತ್ವಾಹ ಜುಮಾ ಮಸ್ಜಿದ್ ನಲ್ಲಿ ಜಿಸ್ತಿಯ್ಯಾ ಕುತುಬಿಯತ್ ಕಾರ್ಯಕ್ರಮದೊಂದಿಗೆ ಜ. 2 ರಂದು ದಶ ವಾರ್ಷಿಕೋತ್ಸವದ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗಿತ್ತು.
ಜ 4 ರಂದು ಫಾತಿಮಾ ಮಿಶ್ರಿಯ ನೆಲ್ಲಿಕ್ಕುನ್ನು ಹಾಗೂ ಫಾತಿಮಾ ಝಕೀಯ ಆಲಂಬಾಡಿ ಅವರ ನೇತೃತ್ವದಲ್ಲಿ ಮಹಿಳೆಯರಿಗೆ ಮಯ್ಯತ್ ಪರಿಪಾಲನೆ ಪ್ರಾಕ್ಟಿಕಲ್ ಕ್ಲಾಸ್ ನೀಡಿದರು.
ಜ.5 ರಂದು ಕುಂಭಕ್ಕೋಡು ಮಸೀದಿ ವಠಾರದಲ್ಲಿ ಧಾರ್ಮಿಕ ಪ್ರಭಾಷಣ ಕಾರ್ಯಕ್ರಮದಲ್ಲಿ ಮರಣ ನಂತರ ಜೀವನ ಮತ ಹಾಗೂ ಶಾಸ್ತ್ರೀಯ ವೀಕ್ಷಣದಲ್ಲಿ LCD ಕ್ಲಿಪ್ಟಿಂಗ್ ಸಹಿತ ಡಾ.ವಿ ಬಿ ಎಂ ರಿಯಾಝ್ ಆಲುವ ಕೇರಳ ರವರು ತರಬೇತಿ ನೀಡಿದರು.
ಜ 7ರಂದು ಪೈಂಬೆಚ್ಚಲು ಜುಮಾ ಮಸೀದಿ ವಠಾರದಲ್ಲಿ ಅಬೂಬಕ್ಕರ್ ಮಿಸ್ಬಾಹಿ ಪಟ್ಟಾಂಬಿ ಉಸ್ತಾದ್ ರವರ ನೇತೃತ್ವದಲ್ಲಿ ಫಿಖ್ಹ್ ಕ್ಲಾಸ್ ನಡೆಯಿತು.
ಜ .8 ರಂದು ಮಾಣಿಮೂಲೆ ಖಿಲರ್ ಜುಮಾ ಮಸೀದಿಯಲ್ಲಿ ಅಸ್ಸಯ್ಯದ್ ಸುಹೈಲ್ ಅಸ್ಸಕಾಫ್ ತಂಙಳ್ ರವರ ನೇತೃತ್ವದಲ್ಲಿ ತಾಝುಲಿ ರಾತಿಬ್ ಹಾಗೂ ದುಅ ಮಜ್ಜಿಸ್ ನಡೆಸಲಾಯಿತು. ಜನವರಿ 9ರಂದು ಅಸ್ಸಯ್ಯದ್ ಉಮರುಲ್ ಜಿಫ್ರೀ ತಂಙಳ್ ರವರ ನೇತೃತ್ವದಲ್ಲಿ ಪೈಂಬೆಚ್ಚಲು ಹಯಾತುಲ್ ಇಸ್ಲಾಂ ಮದ್ರಸ ವಠಾರದಲ್ಲಿ ಧ್ವಜಾರೋಹಣ ನಡೆದು ಅಂದು ರಾತ್ರಿ ಖ್ಯಾತ ಖವಾಲಿ ತಂಡದವರಿಂದ ಇಶಲ್ ಮದೀನಾ ಹಾಗೂ ಖವಾಲಿ ಅಲಾಪನೆ ನಡೆಯಿತು.
ಜ 10 ರಂದು ಅಸ್ಸಯ್ಯದ್ ಮಶ್ಹೂದ್ ತಂಙಳ್ ಕೂರತ್ ರವರ ನೇತೃತ್ವದಲ್ಲಿ ಜಲಾಲಿಯಾ ರಾತೀಬ್ & ಖುರ್ರತುಸ್ವಾದಾತ್ ತಂಙಳ್ ರವರ ಅನುಸ್ಕರಣೆ ಮತ್ತು ಧಾರ್ಮಿಕ ಪ್ರವಚನಗಾರ ನೌಫಲ್ ಸಖಾಫಿ ಕಳಸ ರವರಿಂದ ಪ್ರಭಾಷಣ ನಡೆಯಿತು.
ಜ 11 ರಂದು ಅಬ್ದುಲ್ ಲತೀಫ್ ಸಖಾಫಿ ಕಾಂತಪುರಂ ರವರ ನೇತೃತ್ವದಲ್ಲಿ ಮದನಿಯಂ ಮಜ್ಲೀಸ್ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಸಾವಿರಾರು ಮಂದಿ ಆನ್ಲೈನ್ ಮೂಲಕ ಮತ್ತು ಕಾರ್ಯಕ್ರಮ ವೇದಿಕೆಯಲ್ಲಿ ಭಾಗವಹಿಸಿದ್ದರು.
ಸಮಾರೋಪ ಸಮಾರಂಭವಾದ ಜನವರಿ 12ರಂದು ಬೆಳಿಗ್ಗೆ 5 ಘಂಟೆಗೆ ಅಜ್ಮೀರ್ ಮೌಲಿದ್ ಮಜಿಲೀಸ್ ಹಾಗೂ ಖತಮುಲ್ ಖುರ್ಹನ್ ನಡೆದು ಹಿರಿಯ ಪಂಡಿತ ಉಸ್ತಾದ್ ರವರಿಂದ ಪ್ರಭಾಷಣ ನಡೆಯಿತು. ಸಮಾರೋಪ ಸಮಾರಂಭದ ವೇದಿಕೆಯಲ್ಲಿ ಬಡ ಯತೀಂ ಹೆಣ್ಣು ಮಕ್ಕಳ ಸಾಮೂಹಿಕ ವಿವಾಹ ಕಾಯಕ್ರಮ
ಝೖನುಲ್ ಉಲಮಾ ಮಾಣಿ ಉಸ್ತಾದ್ ರವರ ನೇತೃತ್ವದಲ್ಲಿ ನಡೆದು ಈ ಸಂಧರ್ಭದಲ್ಲಿ ಅವರು ಮಾತನಾಡಿ ಅಜ್ಮಿರ್ ತಂಗಳ್ ರವರ ಕರಾಮತ್ ಕುರಿತು ಸಂದೇಶ ಮಾತನಾಡಿ ಶುಭಾರೈಸಿದರು.
ದುಆ ನೇತೃತ್ವವನ್ನು ಅಸ್ಸಯದ್ ಶಿಹಾಬುದ್ದೀನ್ ಅಲ್ ಅಹ್ದಲ್ ಮುತ್ತನ್ನೂರ್ ತಂಙಳ್ ನೆರವೇರಿಸಿದರು. ಮುಖ್ಯ ಪ್ರಭಾಷಣಕಾರರಾಗಿ ಪಿ ಕೆ ಬಾದುಷಾ ಸಖಾಫಿ ಕೇರಳ ರವರು ಭಾಗವಹಿಸಿದ್ದರು. ವೇದಿಕೆಯಲ್ಲಿ ಮುಖಂಡರುಗಳಾದ ಉದ್ಯಮಿಗಳು ಅಬ್ದುಲ್ ರಹಿಮಾನ್ ಸಂಕೇಶ್,ಲತೀಫ್ ಹರ್ಲಡ್ಕ, ಶಾಹುಲ್ ಹಮೀದ್ ಕುತ್ತಮೊಟ್ಟೆ, ಟಿ ಎಂ ಶಹೀದ್ ತೆಕ್ಕಿಲ್,ಹಾಜಿ ಮುಸ್ತಫಾ ಜನತಾ, ಅಬ್ದುಲ್ ಖಾದರ್ ಟಿ ಎಂ, ಎಸ್ ಸಂಶುದ್ದೀನ್ ಅರಂಬೂರು, ಅಡ್ವಕೇಟ್ಸ್ ಅಬೂಬಕ್ಕರ್ ಅಡ್ಕಾರ್,ಮೂಸಾ ಪೈಂಬೆಚ್ಚಾಲು,ಶಾಫಿ ಕುತ್ತಮೊಟ್ಟೆ,ಜಿ ಕೆ ಹಮೀದ್, ಸಿದ್ದೀಕ್ ಕೊಕ್ಕೋ, ಹನೀಫ್ ಎಸ್ ಕೆ,ಹಾಗೂ ಹಲವಾರು ಸಯ್ಯದ್ ಉಲಮ ನೇತಾರರು ಉಮರ ನೇತಾರರು ಸಾಮಾಜಿಕ ಹಾಗೂ ಧಾರ್ಮಿಕ ಮುಖಂಡರುಗಳು ಭಾಗವಹಿಸಿದ್ದರು. ಕಾರ್ಯಕ್ರಮದ ಮುಖ್ಯ ರುವಾರಿ ಅಬ್ದುಲ್ ನಾಸಿರ್ ಸುಖೈಫಿ ಸ್ವಾಗತಿಸಿ,ಹಾರಿಸ್ ಮಿಸ್ಬಾಹಿ ಕಾರ್ಯಕ್ರಮ ನಿರೂಪಿಸಿದರು.
