ಏನೆಕಲ್ಲು ರೈತ ಯುವಕ ಮಂಡಲದ ಆಶ್ರಯದಲ್ಲಿ ವಾಲಿಬಾಲ್ ಪಂದ್ಯಾಟ

ಪರಮಲೆ ಬ್ರದರ್ಸ್ ತಂಡ ಪ್ರಥಮ, ಕುಕ್ಕೆ ಪ್ರೆಂಡ್ಸ್ ದ್ವಿತೀಯ

ರೈತ ಯುವಕ ಮಂಡಲ ಏನೆಕಲ್ಲು ಇದರ ಆಶ್ರಯದಲ್ಲಿ ಲೀಗ್ ಮಾದರಿಯ ವಾಲಿಬಾಲ್ ಪಂದ್ಯಾಟವು ಜ.20 ರಂದು ಏನೆಕಲ್ಲಿನಲ್ಲಿ ನಡೆಯಿತು. ಇದರಲ್ಲಿ ಒಟ್ಟು 8 ತಂಡಗಳು ಭಾಗವಹಿಸಿದ್ದವು. ಈ ಪಂದ್ಯಾಟದ ಚಾಂಪಿಯನ್ಸ್ ಆಗಿ ರುಧ್ವಿ ಪರಮಲೆ ಮಾಲಕತ್ವದ ಪರಮಲೆ ಬ್ರದರ್ಸ್ ತಂಡವು ಹೊರಹೊಮ್ಮಿದೆ. ದ್ವಿತೀಯ ಸ್ಥಾನವನ್ನು ಜೀವನ್ ಸುಬ್ರಹ್ಮಣ್ಯ ಮಾಲಕತ್ವದ ಕುಕ್ಕೆ ಪ್ರೆಂಡ್ಸ್, ತೃತೀಯ ಸ್ಥಾನವನ್ನು ಸಾತ್ವಿಕ್ ಚಿದ್ಗಲ್ ಮತ್ತು ಕೌಶಿಕ್ ಚಿದ್ಗಲ್ ಮಾಲಕತ್ವದ ಚಿದ್ಗಲ್ ಪಿಯೋನಿಕ್ಸ್, ಚತುರ್ಥ ಸ್ಥಾನವನ್ನು ಯಶೋಧರ ನೆಲ್ಯಾಡಿ ಮಾಲಕತ್ವದ ಸಿಂಚನಾ ವಾರಿಯರ್ಸ್ ಪಡೆದುಕೊಂಡರು.

ವೈಯಕ್ತಿಕ ಬಹುಮಾನ ಗಳಲ್ಲಿ, ಉತ್ತಮ ಹೊಡೆತಗಾರನಾಗಿ ಪರಮಲೆ ಬ್ರದರ್ಸ್ ತಂಡದ ಯತೀಶ್, ರಕ್ಷಣಾತ್ಮಕ ಆಟಗಾರನಾಗಿ ಚಿದ್ಗಲ್ ಪಿಯೋನಿಕ್ಸ್ ತಂಡದ ಶಶಾಂಕ್,
ಎತ್ತುವಿಕೆಗಾರನಾಗಿ ಪರಮಲೆ ಬ್ರದರ್ಸ್ ತಂಡದ ಜಯರಾಜ್, ಸರ್ವಾಂಗೀಣ ಆಟಗಾರನಾಗಿ ಕುಕ್ಕೆ ಪ್ರೆಂಡ್ಸ್ ತಂಡದ ವಸೀಬ್, ಜನಮೆಚ್ಚಿದ ಆಟಗಾರನಾಗಿ ಪರಮಲೆ ಬ್ರದರ್ಸ್ ತಂಡದ ಚಿನ್ಮಯ್ ಪಡಕೊಂಡರು.

ಪಂದ್ಯಾಟದ ಸಮರೋಪ ಸಭೆಯನ್ನು ಮೋಹಿತ್ ಜೇನುಕೋಡಿ ನಡೆಸಿಕೊಟ್ಟು, ವಿಜೇತರಿಗೆ ನಗದು ಮತ್ತು ಶಾಶ್ವತ ಫಲಕವನ್ನು ಜೀವಿತ್ ಪರಮಲೆ, ಆಕಾಶ್ ಪರಮಲೆ, ಮನುದೇವ್ ಪರಮಲೆ, ನಿಶಾಂತ್ ಮಾದನಮನೆ ಹಸ್ತಾಂತರಿಸಿದರು.