ಹರಿಹರಪಲ್ಲತಡ್ಕ : ಬೈಕ್ ಮೇಲೆ ಹಾರಿದ ಕಡವೆ – ಬೈಕ್ ಸವಾರ ಅಪಾಯದಿಂದ ಪಾರು

ಹರಿಹರ ಪಲ್ಲತಡ್ಕ ಕಜ್ಜೋಡಿ ಬಳಿಯ ಮುಳ್ಳುಬಾಗಿಲು ಎಂಬಲ್ಲಿ ಕಡವೆ ಬೈಕ್ ಮೇಲೆ ಹಾರಿ ಸವಾರ ಅಪಾಯದಿಂದ ಪಾರಾದ ಘಟನೆ ಜು. 23 ರಂದು ರಾತ್ರಿ ನಡೆದಿದೆ.

ಜಯಪ್ರಕಾಶ್ ಕಜ್ಜೋಡಿ ಎಂಬವರು ಪೇಟೆಗೆ ಹೋದವರು ಮನೆ ಕಡೆ ಬಂದಾಗ ಮುಳ್ಳುಬಾಗಿಲು ಎಂಬಲ್ಲಿ ಎರಡು ಕಡವೆಗಳು ಎದುರಾಗಿದ್ದವು, ಜಯಪ್ರಕಾಶ್ ತಕ್ಷಣ ಬೈಕ್ ನಿಲ್ಲಿಸಿದ್ದಾರೆ.

ಒಂದು ಕಡವೆ ಮುಂದೆ ಹೋದರೆ ಮತ್ತೊಂದು ಕಡವೆ ಬೈಕ್ ಮೇಲೆ ಹಾಯ್ದಿದಿದೆ. ಪರಿಣಾಮ ಬೈಕ್ ಸವಾರ ಜಯಪ್ರಕಾಶ್ ಅವರ ಕಾಲು ಹಾಗೂ ತೊಡೆಗೆ ಸಣ್ಣ ಪುಟ್ಟ ಗಾಯವಾಗಿದ್ದು, ಬೈಕಿನ ಎದುರುಗಡೆಯೂ ಸ್ವಲ್ಪ ಹಾನಿಯಾಗಿರುವುದಾಗಿ ವರದಿಯಾಗಿದೆ.