ರಂಗಕಲಾವಿದ , ನಾಟಕ ನಿರ್ದೇಶಕ ಬಾಸುಮ ಕೊಡಗುರವರಿಗೆ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಘೋಷಣೆಯಾಗಿದೆ.
ಸುಳ್ಯ ಬಳಿಯ ಚೆಂಬು ಗ್ರಾಮದವರಾದ ಬಾಲಸುಬ್ರಹ್ಮಣ್ಯ ರವರು ಬಾಸುಮ ಕೊಡಗು ಎಂದೇ ಜನಪ್ರಿಯರು. ಸುಳ್ಯ ಪರಿಸರದಲ್ಲಿ ರಂಗ ಚಟುವಟಿಕೆ, ಚಿತ್ರಕಲಾ ಕ್ಷೇತ್ರಗಳಲ್ಲಿ ಸಕ್ರಿಯರಾಗಿದ್ದ ಅವರು ಸುಮಾರು 20 ವರ್ಷಗಳಿಂದ ಉಡುಪಿಯಲ್ಲಿ ನೆಲೆಸಿ ರಂಗಭೂಮಿಯನ್ನು ಸಮೃದ್ಧಗೊಳಿಸುವ ಕಾರ್ಯದಲ್ಲಿ ತೊಡಗಿದ್ದರು. ಹಲವು ಚಲನಚಿತ್ರ ಗಳಲ್ಲೂ ಅಭಿನಯಿಸಿರುವ ಅವರು ಕಾಂತಾರ ಚಿತ್ರದಲ್ಲೂ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಈಗ ಪತ್ನಿ ರಂಗಕಲಾವಿದೆ ಕಾವ್ಯವಾಣಿ ಹಾಗೂ ಮಕ್ಕಳೊಂದಿಗೆ ಉಡುಪಿಯ ಕಾಪು ತಾಲೂಕಿನ ಕಟಪಾಡಿಯಲ್ಲಿ ನೆಲೆಸಿದ್ದಾರೆ.
