ಸುಳ್ಯ ನಗರ ಪಂಚಾಯತ್ ಸಭೆಯಲ್ಲಿ ಟೌನ್ ಹಾಲ್ ಅಭಿವೃದ್ಧಿ ವಿಷಯಕ್ಕೆ ಸಂಭಂದಿಸಿ ಚರ್ಚೆ ಬಂದಾಗ ಚರ್ಚೆ ಕಾವೇರಿ ಸದಸ್ಯ ರಿಯಾಜ್ ಕಟ್ಟೆಕ್ಕಾರ್ಸ್ ರವರು ಸಭೆಯಿಂದ ಹೊರನಡೆದ ಘಟನೆ ಇಂದು ನಡೆಯಿತು.
ಸಭೆಯಲ್ಲಿ ಸುಳ್ಯ ಟೌನ್ ಹಾಲ್ ಬಗ್ಗೆ ಚರ್ಚೆ ನಡೆಯುವ ವೇಳೆ ಸದಸ್ಯರಾದ ವೆಂಕಪ್ಪ ಗೌಡರು ಅಲ್ಲಿಯ ಯಾವುದೇ ವ್ಯವಸ್ಥೆಗಳು ಸರಿ ಇಲ್ಲಾ. ಎಲ್ಲವನ್ನು ಸರಿ ಪಡಿಸಲು ಬೇಕಾದ ಯೋಜನೆಯನ್ನು ರೂಪಿಸಿ ಉತ್ತಮವಾದ ಹಾಲ್ ನಿರ್ಮಾಣ ಮಾಡಿ ಎಂದು ಸಲಹೆ ನೀಡಿದರು.
ಈ ವೇಳೆ ಎದ್ದು ನಿಂತ ರಿಯಾಜ್ ಕಟ್ಟೆಕ್ಕಾರ್ಸ್ ರವರು ಪಂಚಾಯತ್ ನ ಯಾವ ಸದಸ್ಯರುಗಳು ಕೂಡ ಸರಿ ಇಲ್ಲ. ಕೇವಲ ಪೇಪರಲ್ಲಿ ಬರಲು ಮಾತ್ರ ಇಲ್ಲಿ ಚರ್ಚೆ ಮಾಡುತ್ತೀರಿ ಹೊರತು ಅಭಿವೃದ್ಧಿ ಕೆಲಸ ಯಾವುದು ಮಾಡುತ್ತಿಲ್ಲ ಎಂದು ಹೇಳಿದರು.
ಇದಕ್ಕೆ ಉತ್ತರಿಸಿದ ವೆಂಕಪ್ಪ ಗೌಡರು ನೋಡಿ ನೀವು ನ ಪಂ ಸಭೆಗೆ ಸರಿಯಾಗಿ ಬರುಹುದಿಲ್ಲ. ಅಲ್ಲದೇ ನೀವು ಮನೆಯಲ್ಲಿ ನಿದ್ದೆ ಮಾಡುತ್ತಿದ್ದರೆ ಅಭಿವೃದ್ಧಿ ಹೇಗೆ ಆಗುವುದು ಎಂದು ಕೇಳಿದರು.
ಇದಕ್ಕೆ ಪೂರಕ ವಾಗಿ ಸದಸ್ಯೆ ಶಿಲ್ಪಾ ಸುದೇವ್ ಕೂಡ ಸಭೆಯಲ್ಲಿ ಸದಸ್ಯರುಗಳು ಅವರರವರ ವಾರ್ಡಿನ ಸಮಸ್ಯೆ ಗಳಬಗ್ಗೆ ಮಾತಾಡುವುದು ಸರಿಯೇ ಇದೆ. ನೀವು ಯಾವಾಗಲೋ ಒಮ್ಮೆ ಸಭೆಗೆ ಬಂದು ಇತರ ಸದಸ್ಯರುಗಳು ಸರಿಇಲ್ಲ ಎಂದು ಹೇಳಬಾರದು ಎಂದು ಹೇಳಿದರು.
ಈ ವೇಳೆ ಅಧ್ಯಕ್ಷರು ಮಾತನಾಡಿ ಅವರರವರ ವಾರ್ಡಿನ ಸದಸ್ಯರು ಸಮಸ್ಯೆಗಳನ್ನು ಹೇಳಲಿ. ನೀವು ಬೇರೆ ಸದಸ್ಯರ ಬಗ್ಗೆ ಮಾತಾಡುವುದು ಸರಿ ಅಲ್ಲ ಎಂದರು. ಈ ವೇಳೆ ರಿಯಾಜ್ ಕಟ್ಟೆಕ್ಕಾರ್ಸ್ ರವರು ಸಭೆಯಿಂದ ಹೊರ ನಡೆದರು.
