ಹಿರಿಯ ಪ್ರಗತಿಪರ ಕೃಷಿಕರಿಗೆ ಸನ್ಮಾನ
ಅರಂಬೂರು ಟೀಮ್ ವೀರ ಸಾವರ್ಕರ್ ತಂಡದ ಆಶ್ರಯದಲ್ಲಿ ಕೆಸರು ಗದ್ದೆ ಕ್ರೀಡಾಕೂಟವು ಅರಂಬೂರಿನ ಬೈಲು ಗದ್ದೆಯಲ್ಲಿ ನ.10 ರಂದು ನಡೆಯಿತು. ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆಯನ್ನು ಟೀಮ್ ವೀರ ಸಾವರ್ಕರ್ ತಂಡದ ಅಧ್ಯಕ್ಷ ರತೀಶನ್ ಅರಂಬೂರು ವಹಿಸಿದ್ದರು. ಆಲೆಟ್ಟಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಮಾಜಿ ಅಧ್ಯಕ್ಷ ಶ್ರೀಪತಿ ಭಟ್ ಮಜಿಗುಂಡಿ ಯವರು ದೀಪ ಪ್ರಜ್ವಲಿಸಿ ಶುಭ ಹಾರೈಸಿದರು.
ಅತಿಥಿಗಳಾಗಿ ಉಪನ್ಯಾಸಕರಾದ ಸುನಿಲ್ ಕುಮಾರ್ ಎಂ.ಪಿ, ಆಶೀರ್ವಾದ ಟಯರ್ ವರ್ಕ್ಸ್ ಮಾಲಕ ಹರೀಶ್ ಕುಮಾರ್ ಕುಲಾಲ್, ಕೃಷಿಕರಾದ ಉದಯಕುಮಾರ್ ಬಿ, ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆಯ ಅರಂಬೂರು ಒಕ್ಕೂಟದ ಅಧ್ಯಕ್ಷ ಚಂದ್ರಶೇಖರ ನೆಡ್ಚಿಲು, ಸ್ಥಳದಾನಿಗಳಾದ ಶ್ರೀಮತಿ ಪದ್ಮಾವತಿ ಪಡ್ಪು, ಪಂಚಾಯತ್ ಸದಸ್ಯ ಸುದೇಶ್ ಅರಂಬೂರು, ಭಜನಾ ಮಂದಿರದ ಅಧ್ಯಕ್ಷ ರತ್ನಾಕರ ರೈ ಅರಂಬೂರು, ಆಲೆಟ್ಟಿ ಸೊಸೈಟಿ ನಿರ್ದೇಶಕ ಎನ್.ಎ.ಗಂಗಾಧರ, ಎನ್.ಎ.ಜಯರಾಮ ಉಪಸ್ಥಿತರಿದ್ದರು.
ಸುರೇಶ್ ಪರಿವಾರಕಾನ ಸ್ವಾಗತಿಸಿದರು. ಪುಷ್ಪರಾಜ್ ಕುಲಾಲ್ ಅರಂಬೂರು ವಂದಿಸಿದರು. ವಿಜೇತ್ ಸುವರ್ಣ ಕಮಿಲಡ್ಕ ಕಾರ್ಯಕ್ರಮ ನಿರೂಪಿಸಿದರು.
ಸನ್ಮಾನ:
ಪ್ರಗತಿಪರ ಕೃಷಿಕರಾದ ಅಪ್ಪಯ್ಯ ಗೌಡ ಪಡ್ಪು, ಕುಕ್ಕಪ್ಪ ರೈ ಅರಂಬೂರು, ಕುಂಞಕಣ್ಣ ಸ್ಥಾನದಮನೆ ಅರಂಬೂರು ರವರನ್ನು ಸನ್ಮಾನಿಸಲಾಯಿತು.
ಸನ್ಮಾನ ಪತ್ರ ಪ್ರೀತಿಕ್ ಕುಲಾಲ್ ಸನ್ಮಾನ ಪತ್ರ ವಾಚಿಸಿದರು. ಟೀಮ್ ವೀರ ಸಾವರ್ಕರ್ ತಂಡದ ಸದಸ್ಯರು ಸಹಕರಿಸಿದರು. ಸ್ಥಳೀಯ ಪರಿಸರದ ಮಕ್ಕಳು ,ಮಹಿಳೆಯರು ಹಾಗೂ ಪುರುಷರು ಸ್ಪರ್ಧೆಯಲ್ಲಿ ಭಾಗವಹಿಸಿದರು. ಆಗಮಿಸಿದ ಎಲ್ಲರಿಗೂ ಮಧ್ಯಾಹ್ನ ಭೋಜನದ ವ್ಯವಸ್ಥೆ ಮಾಡಲಾಗಿತ್ತು
