ಕರ್ನಾಟಕ ರಾಜ್ಯದ ಮಾಜಿಮುಖ್ಯಮಂತ್ರಿ, ಮಾಜಿ ರಾಜ್ಯಪಾಲ, ರಾಜ್ಯದ ಮುಖ್ಯಮಂತ್ರಿಗಳಾಗಿ ಹಲವಾರು ಯಶಸ್ವಿ ಕಾಠ್ಯಕ್ರಮ ನೀಡಿದ ಒಕ್ಕಲಿಗರ ನಾಯಕರಾದ ಎಸ್.ಎಂ. ಕೃಷ್ಣರವರು ಬೆಂಗಳೂರಿನಲ್ಲಿ ವಿಕಸಸೌಧವನ್ನು ಕಟ್ಟಿದವರು. ಇವರ ನಿಧನಕ್ಕೆ ಸಂತಾಪ ವ್ಯಕ್ತಪಡಿಸಿ ಎಸ್.ಎಂ.ಕೃಷ್ಣರ ಪ್ರತಿಮೆಯನ್ನು ಬೆಂಗಳೂರಿನ ವಿಕಸಸೌಧದ ಮುಂಭಾಗ ಸ್ಥಾಪಿಸಬೇಕೆಂದು ಗೌಡರ ಯಾನೆ ಒಕ್ಕಲಿಗರ ಜಿಲ್ಲಾ ಮಾತೃ ಸಂಘ ಮತ್ತು ಗೌಡರ ಯುವ ಸೇವಾ ಸಂಘ ಇಂದು ನಡೆದ ಶ್ರದ್ಧಾಂಜಲಿ ಸಭೆಯಲ್ಲಿ ನಿರ್ಣಯಿಸಿ ಸರಕಾರಕ್ಕೆ ಮನವಿ ಅರ್ಪಿಸುವುದೆಂದು ತೀರ್ಮಾನಿಸಲಾಯಿತು.
ಅಲ್ಲದೇ ಗೌಡರ ಯುವ ಸೇವಾ ಸಂಘದ ಸ್ಥಾಪಕ ನಿರ್ದೇಶಕರಾದ ಎ.ಸಿ.ಹೊನ್ನಪ್ಪರವರ ಅಕಾಲಿಕ ನಿಧನಕ್ಕೆ ಸಂತಾಪ ಸಲ್ಲಿಸಿತು. ಒಂದು ನಿಮಿಷದ ಮೌನ ಪ್ರಾರ್ಥನೆಯ ಬಳಿಕ ಭಾವಚಿತ್ರಕ್ಕೆ ಪುಷ್ಪ ನಮಿಸಿ ಗೌರವ ಸಲ್ಲಿಸಲಾಯಿತು. ಗೌಡರ ಯುವ ಸೇವಾ ಸಂಘದ ಸ್ಥಾಪಕಾಧ್ಯಕ್ಷ ನಿತ್ಯಾನಂದ ಮುಂಡೋಡಿ ಹಾಗೂ ಹಿರಿಯರಾದ ಡಿ.ಎಸ್.ಗಿರೀಶ್‌ರವರು ದೀಪ ಬೆಳಗಿಸಿದರು. ನಿತ್ಯಾನಂದ ಮುಂಡೋಡಿ, ಪಿ.ಸಿ.ಜಯರಾಮ. ಪಿ.ಎಸ್.ಗಂಗಾಧರ, ದಿನೇಶ್ ಮಡಪ್ಪಾಡಿ, ಜನಾರ್ಧನ ಕೊಳಂಜಿರೋಡಿ ಮಾತನಾಡಿ ಇಬ್ಬರ ಸೇವೆಯನ್ನು ಸ್ಮರಿಸಿದರು. ಗೌಡ ಸಂಘದ ಪ್ರಧಾನ ಕಾರ್ಯದರ್ಶಿ ಎ.ವಿ.ತೀರ್ಥರಾಮ ಸ್ವಾಗತಿಸಿದರು. ಸುಳ್ಯ ನಗರ ಅಧ್ಯಕ್ಷರಾದ ರಾಕೇಶ್ ಕುಂಟಿಕಾನ ವಂದಿಸಿದರು. ಸಭೆಯಲ್ಲಿ ಅರೆಭಾಷೆ ಅಕಾಡಮಿ ಸದಸ್ಯೆ ಲತಾಪ್ರಸಾದ್ ಕುದ್ದಾಜೆ, ತಾಲೂಕು ತರುಣ ಘಟಕ ಅಧ್ಯಕ್ಷ ಪ್ರೀತಮ್ ಡಿ.ಕೆ. ಕೋಶಾಧಿಕಾರಿ ಸವಿನ್ ಚಾಂತಾಳ, ವಿಠಲ ಗೌಡ ಬಾಳೂರು, ರಾಧಾಕೃಷ್ಣಕುಂತಿನಡ್ಕ, ರಜತ್ ಅಡ್ಯಾರ್, ಕೆ.ಟಿ.ವಿಶ್ವನಾಥ, ವರದರಾಜ್ ಸಂಕೇಶ್, ಭೋಜಪ್ಪ ಗೌಡ ಮಾಣಿಬೆಟ್ಟು, ಸತೀಶ್ಚಂದ್ರ ಡಿ.ಹೆಚ್, ವಿಕಾಸ್ ಮೀನಗದ್ದೆ,ಗಿರೀಶ್ ನಾರ್ಕೋಡು ರವರು ಉಪಸ್ಥಿತರಿದ್ದರು.
